Падчас чарговай акцыі Уладзімір Падгол прапанаваў «пазваніць Лукашэнку» ФОТА
У Мiнску на праспекце Пераможцаў прайшоў чарговы перформанс актывiстаў Уладзiміра Падгола і Алеся Таўстыкі. Сваёй акцыяй сябры БНФ хацелі прыцягнуць увагу да таго, што дзяржава iгнаруе звароты грамадзян i не падымае актуальныя праблемы Беларусi.
18:05
Удзельнікі пікета зрабілі інсталяцыю з тэлефонамі і плакатам «Напiшы Лукашэнку. Пазванi. Пажадай». Некалькі мінакоў спыталіся, ці сапраўды можна пазваніць кіраўніку дзяржавы.
18:15
У сшытку, прапанаваным актывістамі, можна было пакінуць свае пасланні і прапановы да Лукашэнкі, якія потым удзельнікі пікета абяцалі накіраваць у Адміністрацыю кіраўніка дзяржавы.
Таксама Падгол заклікаў тэлефанаваць яму са зваротамі па нумарах на таблічках і абяцаў запісваць усё на дыктафон, каб потым таксама перадаць у Адміністрацыю.
18:30
Падгол раздае мінакам цыдулкі з цытатамі Лукашэнкі і заяўляе, што сёння на сваiм пiкеце святкуе некалькі дзён народзiнаў: трох катоў i Лукашэнкi.
18:40
Сябра акруговай камiсii Андрэй Есьман падышоў да актывістаў i заявiу, што Падгол парушае правiлы правядзення пiкета, бо пра яго не было паведамлена загадзя. Паміж Таўстыкам і Есьманам адбыўся канфлікт.
18:50
Людзi падыходзяць, цікавяцца, спрачаюцца. У асноўным прадметам спрэчкi з'яўляецца амерыканскi сцяг.
19:00
Акцыя завяршылася мірна, без пратаколаў і затрыманняў.
Каментары