Pol Hahien, mańjaki i Vudzi Ałen

Siadziba “Chałodny ručaj”

Znojdzieny raj

Znakamitaść

BT, 21.40

Siadziba “Chałodny ručaj” (D́javolskij osobniak / Cold Creek Manor)

ZŠA – Vialikabrytanija – Kanada, 2003, kalarovy, 118 chv.

Režyser: Majk Fihis

Roli vykonvajuć: Denis Kuejd, Šaron Stoŭn, Styven Dorf, Džuljet Ljuis, Krysten Ściuart, Rajan Ŭiłsan, Krystafer Płamer

Žanr: Trymcieńnik

Adznaka: 4,5 (z 10)

Supruhi Kuper, narešcie, ździejśnili maru pra zaharadny dom. Pieknaja siadziba “Chałodny ručaj” vyhladaje idealnym i cichim miescam. Ale novych haspadaroŭ “zabyli” papiaredzić, što kolišni ŭładar siadziby – psychapat, jakomu nie padabajecca być biazdomnym. Niadaŭna jon vyzvaliŭsia z turmy…

Źmiei ŭ łožku, zabity koń - u basejnie, strašnyja dziciačyja vieršyki - i dzied-varjat. Tajna starych zabojstvaŭ - i ščaślivy finał.

Majk Fihis – muzyka j režyser, zdymaje jak žanravyja stužki (samaja znakamitaja – “Pakidajučy Łas-Vehas”), tak i radykalnyja kinaeksperymenty (“Časovy kod”). “Siadziba “Chałodny ručaj” – šarahovy žanravy trymcieńnik.

ANT, 23.05

Znojdzieny raj (Paradise Found)

Niamieččyna – Francyja – Vialikabrytanija – Aŭstralija, 2003, kalarovy, 89 chv.

Režyser: Maryjo Andreačya

Roli vykonvajuć: Kifer Sazerłend, Nastaśsia Kinski, Ałan Armstronh, Tomas Chajnce, Krys Hejvud

Žanr: Bijahrafičnaja drama

Stamiŭšysia ad paryskaje mituśni mastak Pol Hahien uciakaje na Taici – biez kapiejčyny ŭ kišeni, zatoje z cełym stosam idej… i novymi adčuvańniami, jakija čakajuć jaho na vyśpie.

Ci znojdzie mastak raj?

STV. 23.15

Znakamitaść (Celebrity)

ZŠA, 1998, čorna-bieły, 113 chv.

Režyser: Vudzi Ałen

Roli vykonvajuć: Kienet Brana, Henk Azarya, Džudzi Dejvis, Leanarda Dy Kapryjo, Miełani Hryfit, Famkie Jansen, Džefry Rajt, Hreh Matoła, Ŭajnona Rajder, Šarliz Teron, Džo Manteńja

Žanr: Trahikamedyja

Adznaka: 7,5 (z 10)

Scenaryst-niedareka Li Sajman (Kienet Brana) vyrašaje kruta źmianić svajo žyćcio. Jon abviaščaje žoncy, što treba razyścisia, jedzie napivacca ź blandynkaj, niaŭdała traplaje na orhiju (ź Leanarda Dy Kapryjo) i raźbivaje mašynu.

Ale śvieckija tusoŭki, načnyja kluby i niečakanyja spatkańni nie pryniasuć hieroju ničoha, akramia ranišniaha hałaŭnoha bolu…

Kryzis siaredniaha vieku, mitrenhi, uzhadki pra Čechava (u łožku!), bieh na miescy - kali čas sychodzić.

Ałenaŭski varyjant “Sałodkaha žyćcia”, dzie zamiest tatalnaj karnavalnaj trahiedyi – raskviečanaja ironijaj tuha pryvatnaha čałavieka.

Usie filmy

• 0
• 0
• 0
• 0
• 0
• 0
• 0
• 0