Vajaru Internacyjanalnaha lehijona było 25 hadoŭ.
Pra śmierć biełaruskaha dobraachvotnika Haza paviedamili jaho siabry ŭ sacyjalnych sietkach. Pa ich słovach, užo adbyłosia pachavańnie.
Biełaruski dobraachvotnik Haz sustreŭ pačatak poŭnamaštabnaj vajny ŭ Maskvie. Tam jon žyŭ z 16 hadoŭ, kali pierajechaŭ da baćki z rodnaha Navapołacka. U chłopca było i biełaruskaje, i rasijskaje hramadzianstva.
Na momant pačatku vajny Haz pracavaŭ kamiercyjnym dyrektaram pa raźvićci ŭ kampanii aŭtazapčastak. Jon adznačaŭ, što byŭ dalokim ad palityki, navat pra biełaruskija pratesty-2020 viedaŭ tolki paviarchoŭna.
«Adnak žyć u Rasii stała nievynosna: vajennaja prapahanda była na kožnym kroku», — raskazvaŭ Haz u vialikim intervju «Lusterku». U vyniku ŭ žniŭni 2022 hoda jon viarnuŭsia ŭ Biełaruś. Žyvučy ŭ Navapołacku, a paśla ŭ Minsku asensavaŭ siabie biełaruskim patryjotam. A ŭ kancy 2023 hoda kančatkova vyrašyŭ vajavać za Ukrainu.
Haz adpraviŭ zajaŭku ŭ Internacyjanalny lehijon, bo nie chacieŭ iści ŭ Połk Kalinoŭskaha — čytaŭ, što tam nie vielmi pryjemnaje kiraŭnictva.
Siamja nie padtrymała vybar chłopca. Baćka, hramadzianin Rasii, abarvaŭ kantakty ź im. «Maci ŭ mianie biełaruska, jana zreahavała jak samaja zvyčajnaja maci. Kazała, što heta niebiaśpiečna, byli niejkija ślozy spačatku, a potym prosta pryniaćcie. Zaraz my ź joj razmaŭlajem, padymajem i takija temy, jakija joj raniej ciažka davalisia. I ŭsio dobra. Babula kazała, što ja pajechaŭ vajavać za hrošy vyklučna, ciotka mianie taksama nie padtrymała, skazała, što heta niapravilna», — kazaŭ Haz.
Pa stanie na viasnu 2024 hoda, kali Haz davaŭ intervju «Lusterku, jon užo skončyŭ padrychtoŭčyja kursy i braŭ udzieł u bajavych apieracyjach. U pierapynku miž imi vučyŭsia kiravańniu FPV-dronami.
«Adrazu zrazumieŭ: heta majo. Ja vielmi rady, što zrabiŭ taki vybar. Adzinaje, ab čym škaduju, — što nie pajechaŭ va Ukrainu raniej», — kazaŭ jon.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary
Praź piekła jon ŭžo prajšoŭ.