U Minsku budujuć novuju rezidencyju? + foty i rendary prajekta
Budynak vystavačnaha kompleksu «BiełEkspa» taksama na rekanstrukcyi. Pa prajekcie novaj rezidencyi jon uvojdzie ŭ jaje skład.
Vialikaja budoŭla namiačajecca na bierazie Śvisłačy, niedaloka ad Drazdoŭ, u trochkutniku miž praśpiektam Pieramožcaŭ, vulicaj Arłoŭskaj i Śvisłačču. Źjaviłasia infarmacyja, što tam moža paŭstać novaja rezidencyja. Jak miarkujecca, u skład novaha kompleksa ŭvojdzie rekanstrujavany budynak vystavačnaha kompleksa «BiełEkspa».
Rekanstrukcyja ŭžo zakranuła jaho, jak i parkavuju terytoryju na vulicy Arłoŭskaj i praśpiekcie Pieramožcaŭ. Sam budynak rezidencyi paŭstanie ŭ ciapierašniaj parkavaj zonie na bierazie Śvisłačy.
Budaŭniki, što pracujuć nad rekanstrukcyjaj kompleksa «BiełEkspa», kažuć, što hety budynak budzie pryznačacca dla hanarovych pryjomaŭ. Za im budzie park z alejaj i fantanam, siarod jakoha i budzie stajać novaja rezidencyja Łukašenki, miarkujuć jany.
Prajektavańnie ažyćciaviła UP «Biełprajekt». U internecie źjavilisia rendary prajekta.
Čutki pra novuju rezidencyju cyrkulavali ŭ Minsku daŭno. Adnak pačatak pracaŭ trapiŭ na niaŭdały momant: kraina pahruziłasia ŭ hłyboki finansavy kryzis.
Kamientary