U mižnarodnym rejtynhu Biełaruś akazałasia siarod aŭtsajdaraŭ.
Na Indeks žančyn u dypłamatyi za 2024 hod źviarnuŭ uvahu błohier i zasnavalnik prajekta «Biełaruski Hajun» Anton Matolka.
Hety indeks pakazvaje pracent žančyn-pasłoŭ i pastajannych pradstaŭnikoŭ pry AAN pa ŭsim śviecie. Ahułam u śviecie žančyny składali tolki 21% pasłoŭ i pastajannych pradstaŭnikoŭ, i ich dola raście vielmi pavolna, adznačajuć u dakładzie.
Najbolšaja dola žančyn-pasłoŭ była ŭ Kanady (53%), Šviecyi (51%), Finlandyi (50%), Kosta-Ryka (48%) i Novaj Ziełandyi (47,5%).
Biełaruś u rejtynhu akazałasia siarod aŭtsajdaraŭ — 0%. Nas abahnali navat takija krainy, jak Sudan i AAE (11,5%), Saudaŭskaja Aravija (4%), Irak i Afhanistan (pa 3%), Azierbajdžan (2%).
Pasłoŭ-žančyn u Biełarusi niama. Pastajanny pradstaŭnik pry AAN — Valancin Rybakoŭ. Chiba što pry adździaleńni AAN u Ženievie pastajannaj pradstaŭnicaj Łarysa Bielskaja.
U Rasii taksama mizerny pracent — 0,75%. U inšych našych susiedziaŭ pakazčyki takija: Ukraina — 21,5%, Litva — 31%, Estonija — 38%, Łatvija — 43%.
Kamientary
Adarvaŭ ŭrbanistu dźvie łapy, śvistanuŭ - ŭrbanist spałochaŭsia, zavarušyŭ vusami i pabioh na čatyroch łapach da ščyliny.
Akabčyk Maleńki pincetam złapaŭ ŭrbanista, vydraŭ šče dźvie łapy i hučna plasnuŭ ŭ ładki. Ŭrbanist schamianuŭsia, zavarušyŭ vusami i na dźviuch łapach paciohsia da ščyliny.
Akabčyk Maleńki pincecikam padchapiŭ ŭrbanista, adadraŭ apošnija łapy i zaśvistaŭ, zaplaskaŭ i nahami zatupacieŭ. Ŭrbanist słupom na miescy, adno vusy varušacca.
Vysnova: ŭrbanisty nia čujuć biaz kapytoŭ