Baćka Maryi Kaleśnikavaj raskazaŭ, jak była arhanizavana sustreča z dačkoj
Videa z Alaksandram Kaleśnikavym źjaviłasia ŭ kanale Ramana Pratasieviča. Razmova adbyvałasia ŭ mašynie pa darozie z Homiela ŭ Minsk.
«Heta była niezabyŭnaja ciopłaja sustreča», — skazaŭ baćka Maryi.
Nakont zdaroŭja dački jon adznačyŭ, što na momant sustrečy Maryja «adčuvała siabie badzioraj, pryhožaj». «I ŭ mianie nie vyklikaŭ niejkaj bojazi jaje stan», — dadaŭ jon.
Što tyčycca ich hutarak sam nasam, to tut, kaža Alaksandr Paŭłavič, najpierš havaryli pra siamju, svajakoŭ, siabroŭ.
«Nu i, viadoma, my nie abyšli temu ciapierašniaj situacyi, — nie kažučy naŭprost, Kaleśnikaŭ namiaknuŭ na pytańnie pamiłavańnia palitviaźniaŭ i napisańnia prašeńnia Łukašenku. — Ja pastaraŭsia danieści da jaje tyja źmieny, jakija adbyvajucca, i raskazać pra akno mahčymaściaŭ, jakoje adkryłasia, dziakujučy čamu i adbyłasia naša sustreča. Jana skazała, što budzie razvažać, budzie dumać.
Ale znoŭ ža chaču paŭtaryć, što ja vielmi rady, što adbyłasia hetaja sustreča. I što Maša vyhladała pryhožaj, dobraj, uśmiešlivaj. Ja vielmi rady, što ŭsio atrymałasia».
Jon skazaŭ, što spadziajecca, što ŭ dalejšym adbudziecca jašče bolš źmien, jakija dazvolać być bližej z Mašaj u znosinach.
«Ja žadaju ŭsim baćkam, jakija ŭ takim ža stanoviščy, jak i ja, znachodzić šlachi dla taho, kab takija voś spatkańni, takija sustrečy stali mahčymymi. Dla hetaha treba šukać dźviery, hrukacca, i ja dumaju, usio atrymajecca», — tumanna skazaŭ jon.
Pratasievič ža dadaŭ, što Kaleśnikaŭ źviartaŭsia z prośbaj dazvolić sustreču da Łukašenki. I vidavočna, toj dazvoliŭ.
Učora, 12 listapada, stała viadoma, što Maryja Kaleśnikava sustrełasia z tatam. Sustreča Kaleśnikavych adbyvałasia ŭ turemnaj balnicy.
Apošni raz Maryja i jaje tata bačylisia ŭ śniežni 2022 hoda.
23 kastryčnika Alaksandr Łukašenka zajaviŭ karespandentu VVS Styvienu Rozenbierhu, što siam‘ia moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ.
Taksama Łukašenka tady adkazaŭ na pytańnie pra mahčymaje pamiłavańnie dla Maryi.
«U nas jość zakon: čałaviek uśviadomiŭ svaju vinu, jon źviarnuŭsia da prezidenta (jak i ŭ mnohich inšych krainach) z prośbaj ab pamiłavańni — nu što ž, my razhledzim. Kali budzie taki zvarot Kaleśnikavaj, ja abaviazkova razhledžu», — skazaŭ Łukašenka.
Maryja Kaleśnikava, asudžanaja na 11 hadoŭ kałonii, adbyvaje pakarańnie ŭ Homielskaj PK-4. Apošni list ad jaje rodnyja atrymali 15 lutaha 2023 hoda. Da Maryi ŭvieś hety čas nie moh trapić advakat, joj zabaronienyja pasyłki.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia4
Kamientary
"vy sami ŭsio razumiejecie, treba schilicca pierad dziedam".
I ŭ sistemie zakładnikami nie tolki palitviaźni, ale i ich svajaki. I jany pavinny ŭdzielničać u "videa-demanstracyjach pakorlivaści".
Mašie zdorovja i tierpienija!