Bomba prabiła dach i zaraz znachodzicca ŭ adnym z kabinietaŭ na trecim paviersie.
Rasijskaja avijabomba ŭpała na škołu ŭ vioscy Bykaŭka ŭ Biełharadskaj vobłaści. Pra heta paviedamlajuć biełharadski «Piepieł» sa spasyłkaj na miascovych žycharoŭ i telehram-kanał Astra sa spasyłkaj na krynicu ŭ rehijanalnych ekstrannych słužbach.
Pa infarmacyi «Piepła», bomba ŭpała na budynak u noč z 18 na 19 listapada. U vyniku nichto nie paciarpieŭ. Astra piša, 250-kiłahramovy snarad «niaštatna syšoŭ» na škołu prykładna a šostaj ranicy ŭ aŭtorak, 19 listapada.
Telehram-kanał udakładniaje, što bomba «prabiła dach i ciapier znachodzicca ŭ adnym z kabinietaŭ na trecim paviersie». Evakuacyja budynka nie pravodziłasia, na miesca prybyli palicejskija i čalcy terabarony.
Kamientary