Na Kamaroŭcy pradajuć niezvyčajnyja «jabłyki» — pa 30 rubloŭ za štuku
Sadavina źmiaščaje šmat cukru, tamu dyjetyčnaj jaje nijak nie nazavieš.
Niezvyčajny płod znojdzieny na Kamaroŭskim rynku. Ździŭlaje nie tolki jaho vonkavy vyhlad, ale i košt, jaki za jaho prosiać, piša Tochka.by.
«Jabłyki» pradajucca ŭ azijackaj kramie, z čaho možna zrabić vysnovu, što hety dziŭny płod — vychadziec z subtrapičnaha klimatu.
Važyć adna štuka 500—600 h, a kaštuje kala 30 rubloŭ.
Što heta za sadavina?
Zialony sercapadobny płod, jaki pradajecca na Kamaroŭcy, vielmi padobny da čerymoji.
Radzimaj hetaj sadaviny pryniata ličyć Ekvador, Kałumbiju i Baliviju. Ciapier ža jaje ekspartujuć u asnoŭnym z Tajłanda, Małajzii i Kitaja.
Śćviardžajecca, što smak čerymoji zaležyć ad miascovaści, dzie jana vyrasła. Ale ŭ cełym jon nahadvaje sumieś banana, papaji, piersika i ananasa.
Paŭkiłahrama — heta drobny płod. Hetaja sadavina moža dasiahać troch kiłahramaŭ.
Karysnyja ŭłaścivaści
Čerymojia źmiaščaje mnostva karysnych rečyvaŭ, siarod jakich białki, vuhlavody, folijevaja kisłata, kalcyj, fosfar, žaleza, tyjamin, hlukoza, fruktoza, a taksama arhaničnyja kisłoty — limonnaja i jantarnaja.
U toj ža čas u hetaj sadavinie vialikaja kolkaść cukru i vuhlavodaŭ, tamu dyjabietykam varta stavicca da jaje z aściarohaj.
Saśpiełyja płady zvyčajna ŭžyvajuć u śviežym vyhladzie. Ich razrazajuć i źjadajuć miakać łyžkaj.
Na Kamaroŭski rynak paśla ramontu viarnuli znakamityja skulptury
«Heta rasčaravańnie hoda, na vypadak jadziernaj vajny». Jak prajšła dehustacyja novaha piečyva ad «Słodyčy» z modnaha ciapier suchoha małaka
Na Kamaroŭcy zaŭvažyli mamordziku. Što heta takoje i kolki kaštuje?
Na Kamaroŭcy pradajuć vielmi dziŭnyja harbuzy
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach7
Kamientary