Namieśnicu kiraŭnika Tałačynskaha rajvykankama sudziać za chabar. Pahražaje da 15 hadoŭ
Raniej Ina Hałubkova taksama ŭznačalvała praŭładny sajuz žančynaŭ na Tałačynščynie i chvaliła kožnaje pasłańnie Łukašenki. A zatrymali jaje prosta va ŭłasnym kabiniecie za 3000 rubloŭ chabaru.
Inie Hałubkovaj 52 hady. Jana była namieśnicaj kiraŭnika Tałačynskaha rajvykankama bolš za 10 hadoŭ.
U 2018 hodzie jaje pryznačyli rajonnym deputatam pa Tałačynščynie. Praŭda, akramia jaje, na vybarčym učastku nie było achvočych kandydataŭ.
Taksama Hałubkova ŭznačalvała praŭładny Biełaruski sajuz žančynaŭ u Tałačynskim rajonie. U 2021-m jaje dasyłali na Usiebiełaruski narodny schod. Pravodziła jana i dyjałohavyja placoŭki, dzie chvaliła dziejučuju ŭładu i mudraść Łukašenki.
A ŭ 2023-m Hałubkova tak kamientavała jaho vystup: «Pasłańnie Kiraŭnika našaj dziaržavy zrabiła niezabyŭnaje ŭražańnie. Tyja akcenty, jakija jon rasstaviŭ u svaim ščyrym i jaskravym vystupie, u čarhovy raz paćviardžajuć, što biełaruski lidar dakładna razumieje, jakija kirunki raźvićcia krainy patrabujuć udaskanaleńnia».
Apošni raz Hałubkova była zaŭvažanaja ŭ miedyja ŭ studzieni 2024 hoda. A śviedčańni pra jaje zatrymańnie źjavilisia ŭ pačatku lutaha. Tady kanał «Čutki Viciebska» paviedamlaŭ, što jaje «vyvieli z kabinieta ŭ kajdankach». Pa źviestkach kanała «Viciebsk, ja hulaju», čynoŭnicu sudziać za chabar pamieram 3000 rubloŭ.
Inu Hałubkovu pačali sudzić 22 žniŭnia 2024 hoda i jašče nie vynieśli prysud. Jaje vinavaciać pa dvuch artykułach — «atrymańnie chabaru ŭ asabliva bujnym pamiery abo asobaj, jakaja zajmaje adkaznaje stanovišča» (č. 3 art. 430 KK) i «pieravyšeńnie ŭłady abo słužbovych paŭnamoctvaŭ» (č. 3 art. 426 KK). Čynoŭnicy pahražaje ad 5 da 15 hadoŭ kałonii.
«Naša Niva» — bastyjon biełaruščyny
PADTRYMAĆDvuch viciebskich čynoŭnikaŭ buduć sudzić adnačasova za abrazu Łukašenki i chabar
Kiraŭnika vybarčaj kamisii, jakaja ŭ 2020 falsifikavała vybary, sudziać za chabar. Jamu pahražaje da 10 hadoŭ
Chabar 35 tysiač jeŭra, viačera ŭ restaranie sierbskaj kuchni i pucioŭka na kurort: pačaŭsia sud nad eks-namieśnikam ministra enierhietyki
Jak skłałasia žyćcio Jalinki, adzinaj biełaruskamoŭnaj vučanicy ŭ Mahilovie ŭ svoj čas?1
Kamientary
Oni naładili hruhovorot vziatočnikov i vorov, t.k. normalnyje v etu sistiemu nie projdut, filtry i pylesosy podymajuŝije vziatočnikov i vorov v vierch, nie pozvolajut popasť normalnym.