Z 23 žniŭnia ŭ karystalnikaŭ ź Biełarusi i Rasii pačalisia prablemy z dostupam da bujnoha internet-vydańnia ab videahulniach IGN i płatformie How Long To Beat dla zboru statystyki pra toje, kolki času zajmaje prahlad papiarednich hulniaŭ, paviedamlaje Devby.io.
Pry pierachodzie na sajt uspłyvaje paviedamleńnie pra pamyłku 403 (zabłakavany dostup). Abodvuma servisami vałodaje amierykanskaja miedyjakampanija Ziff Davis.
Maderatar How Long To Beat paćvierdziŭ na forumie sajta, što rašeńnie było pryniata maciarynskaj kampanijaj.
«Prynosim prabačeńni za hetuju situacyju. Jurydyčnaja kamanda našaj maciarynskaj kampanii prymusiła zabłakavać uvieś trafik z Rasii, Biełarusi i niekatorych inšych krain. U nas niama prava hołasu ŭ hetym pytańni», — adznačyŭ maderatar.
Jakich jašče krain tyčycca heta rašeńnie, jon nie ŭdakładniŭ. Pry hetym inšyja vydańni Ziff Davis u biełarusaŭ pakul adkryvajucca biez pamyłak.
Kampanija taksama vałodaje resursam Eurogamer, GamesIndustry.biz i Rock Paper Shotgun.
Kamientary