«Zachodzili jak nož u masła». Biełaruskija bajcy byli siarod tych, chto pieršym zajšoŭ u Kurskuju vobłaść

Biełaruski bajec z pazyŭnym Žerar źjaŭlajecca kamandziram adździaleńnia evakuacyi braniatechniki 225 asobnaha šturmavoha bataljona.

U razmovie Žerar adznačaje, što apieracyja była dobra spłanavanaja i prapracavanaja, što zabiaśpiečyła jaje pośpiech. «Usio prajšło vielmi lohka. Zachodzili jak nož u masła», — kaža bajec.

@nashaniva Na Kurščynie zaŭvažyli biełaruski tank z BČB #biełaruś #rośsija #ukraina #ukrajina #kursk #biełhorod #sudža #vsu #zsu #połkkalinoŭskaha #našaniva ♬ DEVIL SOUL - Phonk Killer

Čamu rasijskija sałdaty zdajucca ŭ pałon

Pa słovach Žerara, mienavita na hetym napramku kožny dzień biaruć vielmi šmat pałonnych. Jon adznačaje, što navat u čas kontrataki na Chiersonščynie vosieńniu 2022 hodzie «i blizka nie było stolki pałonnych».

Pryčynu zdačy rasijskimi bajcami ŭ pałon Žerar tłumačyć tym, što «kamandavańnie ich prosta kidała. U ich nie było suviazi, pastaŭki ježy, vady. A paśla troch dzion, siedziačy biez vady i ježy, ty pačynaješ užo sam pa sabie pacichu pamirać. Tamu bolšaść ludziej prosta prymała rašeńnie zdacca».

Biełarus raskazaŭ, što razmaŭlaŭ z rasijskimi pałonnymi. U svajoj bolšaści heta byli sałdaty terminovaj słužby. «Jany ŭvohule da vajny majuć małyja adnosiny. Heta dzieci ad 18 da 23 hadoŭ, jakija nie chacieli vajavać i, pa ich słovach, nie źbiralisia».

Ale, zaŭvažaje bajec, «dzieci jany ci nie, jany trymali ŭ rukach aŭtamaty i taksama stralali. Kali zachodzili našyja šturmavyja padraździaleńni, u lubym vypadku adbyvalisia bajavyja sutyknieńni. Adpaviedna, hinuli sałdaty Uzbrojenych sił Rasii. Ich hinuła šmat, tamu što jany byli nienavučanyja, niepadrychtavanyja. U ich nie było ŭ dastatkovaj kolkaści bajavych kamplektaŭ. Jany byli źniasilenymi, bo nie mieli ni vady, ni ježy».

Adnosiny mirnych žycharoŭ

Žerar adznačaje, što ŭ pieršyja dni ni jon, ni inšyja bajcy jaho padraździaleńnia praktyčna nie bačyli miascovaha mirnaha nasielnictva:

«My ŭbačyli miascovych žycharoŭ tolki na piaty-šosty dzień. I ja vam skažu, takoje adčuvańnie, što my vyzvalajem ukrainskija sioły. Zrazumieła, što chlebam i sollu nie sustrakajuć, ale pa mienšaj miery ahresii ŭ bok USU niama zusim».

Mužčyna paćviardžaje infarmacyju ab tym, što miascovaje nasielnictva niehatyŭna vykazvajecca nakont kiraŭnictva Rasii, i śćviardžaje, što «bolšaść miascovych ludziej, jakich my sustrakali, nastrojenyja navat na toje, kab być ukraincami». I zaŭvažaje, što šmat ludziej razmaŭlaje na «ŭkrainskaj trasiancy».

• 34
• 0
• 0
• 1
• 0
• 0
• 0
• 0