Pra namier źmienšyć abjomy budaŭnictva novych daroh raskazaŭ načalnik Hałoŭnaha ŭpraŭleńnia aŭtadaroh Mintransa Ryhor Hłazko. Maŭlaŭ, ščylnaść darožnaj sietki ŭ Biełarusi i tak vialikaja.
Ryhor Hłazko paviedamiŭ, što pa aŭtamabilnych darohach ahulnaha karystańnia ŭ Biełarusi pieravoziacca bolš za 40% usich hruzaŭ i kala 60% pasažyraŭ.
Pavodle danych Mintransa, na 1 studzienia 2024 hoda praciahłaść aŭtamabilnych mahistralaŭ ahulnaha karystańnia ŭ Biełarusi składaje amal 87 tys. km. Ź ich da respublikanskaj sietki adnosiacca kala 16 tys. km, a da miascovaj — 71 tys. km.
Pry hetym ščylnaść darožnaj sietki ŭ Biełarusi, jak śćviardžaje čynoŭnik, adna z najvyšejšych na postsavieckaj prastory i navat u Jeŭropie. Tamu pryniata rašeńnie adychodzić ad novaha budaŭnictva na karyść prajektaŭ rekanstrukcyi daroh i mastoŭ.
Asnoŭnaja meta — zachavać i palepšyć stvoranuju sietku daroh praź biahučyja i kapitalnyja ramonty. Padčas takich ramontaŭ darožnyja budaŭniki buduć zamianiać abo ramantavać pakryćcio tak, kab jano vytrymlivała nahruzki da 11,5 t na voś.
Druhaja zadača — ramont mastoŭ. Abjom takich rabot budzie raści pa miery atrymańnia nieabchodnaha finansavańnia, dadaŭ Ryhor Hłazko.
Mintrans uvioŭ novyja praviły. Taksisty razzłavalisia
Paśla rekanstrukcyi adkryli novuju darohu ź Minska ŭ Žodzina
Rekanstrukcyja M-1 pakul nie płanujecca, na darohi biezvynikova šukajuć hrošy — Mintrans
Pavialičyli košt prajezdu pa biełaruskich płatnych darohach
Mintrans: Zamiest zachodnich kredytaŭ na darožnaje budaŭnictva buduć kitajskija
Łukašenka ŭpieršyniu źjaviŭsia na publicy razam z mamaj Koli12
Kamientary