Hramadstva55

«Dzieci hulali, a źmiaja płavała ŭ łužynie». U rajonie Barysava našeście hadziuk — kamunalniki nie reahujuć

Atrutnych źmiej znachodziać na dziciačych placoŭkach, kala padjezdaŭ žyłych damoŭ, u śmiećcievych bakach i prosta na tratuarach. Pry hetym haradskija słužby apieratyŭna nie reahujuć.

Foto: Onliner

Našeście hadziuk pieražyvajuć žychary rajona Ladzišča. Miascovyja žychary źviazvajuć aktyvizacyju źmiej ź niedahledžanaściu rajona.

U pryvatnaści, tut redka kosiać travu. U niekatorych miescach jana dasiahaje rostu čałavieka — u hetym asiarodździ źmiei adčuvajuć siabie kamfortna i razmnažajucca, piša Onliner.

«Ladzišča — były vajskovy haradok. I ciapier hety rajon, možna skazać, u zaniapadzie: darohi raźbityja, śmiećcievyja baki iržavyja, trava niakošanaja. Nie dziŭna, što ŭ nas zavialisia źmiei», — raskazvaje miascovaja žycharka.

Fota: Onliner

Pieršuju źmiaju znajšli 12 lipienia. Dzieci hulali pobač z łužynaj, u jakoj płavała hadziuka.

«Naš susied złaviŭ jaje, pakłaŭ u słoik i advioz u les. Na nastupnuju ranicu chłapčuki źniali videa ź jašče adnoj źmiajoj. Potym susiedka natknułasia na vialikuju, nie mienš za mietr, asobinu prosta na piešachodnaj darožcy. U sumie nie mienš za piać źmiej za apošni tydzień», — kaža barysaŭčanka.

Šmat skarhaŭ na źmiej i ŭ pablikach rajona. Ludzi raskazvajuć, što rehularna natykajucca na hadziuk padčas špacyraŭ z sabakami. Daśviedčanyja ludzi ŭpeŭniena kažuć, što heta mienavita hadziuki — heta značyć atrutnyja źmiei.

Fota: Onliner

Žychary rajona źviartalisia pa dapamohu va ŭsie instancyi: telefanavali ŭ 115, u MNS, ŽEU. Apieratyŭna adreahavać nichto nie zmoh, i tamu ludzi stali vyrašać pytańnie svaimi siłami.

«My sami znajšli ŭ internecie kasca i skinulisia na jaho apłatu. I tolki paśla taho, jak nam narešcie vykasili ŭvieś dvor, užo ranicaj ŽEU dasłała svajho śpiecyjalista. U ich usiaho adzin kasiec na ŭvieś rajon, i ŭ taho to času niama, to bienzinu — uvohule, sprabujem niejak spraŭlacca sami chiba što», — dzielicca barysaŭčanka.

Supracoŭnik NAN, kandydat bijałahičnych navuk Siarhiej Drabiankoŭ paćviardžaje — na fota sapraŭdy hadziuki. I heta niebiaśpiečna dla miascovych žycharoŭ.

«Tut usio zaležyć ad raźmiaščeńnia rajona i ekałahičnaj situacyi. Kali heta pieryfieryja i pobač jość les, a ŭ rajonie dla źmiej stvoranyja spryjalnyja ŭmovy (u pryvatnaści, taja ž vysokaja trava), to jany buduć praciahvać prypaŭzać», — adznačyŭ navukoviec.

Drabiankoŭ ličyć, što nieabchodna pryvodzić u paradak infrastrukturu i zakazvać adłoŭ na prylehłych terytoryjach.

Kamientary5

  • Žvir
    19.07.2024
    Kali jany ūžo ū Miensk prypaūzuc` ? Miensk - samy liepšy zmiajučnik...
  • Supadzieńnie?
    19.07.2024
    Hadziuki poŭzajuć pa horadu - łukašyzm kvitnieje va ŭsiu
  • ...
    19.07.2024
    Žvir, da vas? nu vy ž u Minsku?

Izalacyja ŭ rezidencyjach i huvierniory z Paŭdniovaj Afryki. Jak žyvuć zasakrečanyja syny Pucina i Kabajevaj8

Izalacyja ŭ rezidencyjach i huvierniory z Paŭdniovaj Afryki. Jak žyvuć zasakrečanyja syny Pucina i Kabajevaj

Usie naviny →
Usie naviny

Dzijana Maisiejenka pieradumała prasić prytułak u Armienii

Chłopčyk vyjhraŭ u viendynhavym aparacie IPhone, a atrymaŭ ćviłuju šakaładku. Ci možna tak vieści hety biznes?8

ZŠA ŭzhadnili pieradaču Ukrainie kryłatych rakiet vialikaj dalokaści dla F-16 — Reuters2

Iena Mak-Kielena paklikali syhrać Handalfa ŭ novuju ekranizacyju «Vaładara Piarścionkaŭ»4

U Minsku pradajuć 10-hadovuju Mazda z prabieham mienš za 1000 km. Tak byvaje?4

U baranavickim dvary čałavieka zabili na vačach žycharoŭ doma

U Akademii navuk składajuć śpis tych, kamu dazvolać vychodzić u internet32

«My znachodzimsia ŭ enierhietyčnaj zaležnaści». Manholija rastłumačyła, čamu nie aryštavała Pucina3

U biełaruskich kaviarniach źjaviŭsia bulbiany raf. U składzie jość piure dy čypsy1

bolš čytanych navin
bolš łajkanych navin

Izalacyja ŭ rezidencyjach i huvierniory z Paŭdniovaj Afryki. Jak žyvuć zasakrečanyja syny Pucina i Kabajevaj8

Izalacyja ŭ rezidencyjach i huvierniory z Paŭdniovaj Afryki. Jak žyvuć zasakrečanyja syny Pucina i Kabajevaj

Hałoŭnaje
Usie naviny →