13 lipienia pa Hrodzienskaj vobłaści prajšoŭ navalničny front. Mocny viecier narabiŭ biady i na terytoryi parku ŭ Ščorsach.
![](http://d3kcf2pe5t7rrb.cloudfront.net/img/w840d4webp1/photos/z_2024_07/2024-07-18124256-mysu2.png.webp)
Jak paviedamlajuć vidavočcy, urahan źniščyŭ kala traciny starych lip u parku pry byłoj siadzibie Chraptovičaŭ, pomniku architektury i sadova-parkavaha mastactva druhoj pałovy XVIII — pačatku XIX stahodździa.
«Heta žach: z kamlom i karaniami prosta valiła 20-25-mietrovyja lipy i adnačasna łamała ich. A nievialikija drevy vyšynioj 6-10 mietraŭ prosta ŭ mačałku halinki kudłaciła», — piša vidavočca ŭ sacsietkach.
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18124226-qf2j9.png.webp)
U XIX stahodździ siadziba Chraptovičaŭ była važnym kulturnym centram. Tut byvali Adam Mickievič, Uładzisłaŭ Syrakomla, Jan Čačot. Apošni niekatory čas pracavaŭ biblijatekaram u znakamitaj biblijatecy pry siadzibie.
U Pieršuju suśvietnuju vajnu pałac Chraptovičaŭ paciarpieŭ ad vajennych dziejańniaŭ i paźniej byŭ razabrany, miascovuju biblijateku vyvieźli i pieradali paźniej Kijeŭskamu ŭniviersitetu. Pytańnie ab viartańni biblijateki ŭ Biełaruś nieŭrehulavana dahetul.
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18124113-zf57t.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18124204-7ghxj.png.webp)
Apošniaha ŭłaśnika majontka, pradstaŭnika ruskaha rodu Bucianiovych, jakija ŭ spadčynu pa kudzieli (to-bok pa žanočaj linii) atrymali prava mienavacca hrafami Chraptovičami, aryštavali ŭ vieraśni 1939 hoda savieckija vojski.
U čas vajny niemcy vyzvalili jaho z turmy, jon zdoleŭ vyjechać za miažu. Za savieckim čas siadziba całkam pryjšła ŭ zaniapad. Tolki ŭ naš čas pačali kazać pra adnaŭleńnie pomnika.
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18123840-sc3k1.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18123824-23ksy.png.webp)
Była stvoranaja arhanizacyja «Fond Ščorsy i Chraptovičy», jakaja, miž inšym, pravodziła vałanciorskija letniki i sprabavała pryciahnuć finansavańnie na adnaŭleńnie siadziby z prahram transhraničnaha supracoŭnictva Jeŭrasajuza. Arhanizacyja była likvidavana režymam Łukašenki ŭ listapadzie 2021 hoda. Usie raboty na terytoryi siadziby ŭ Ščorsach spynilisia.
«Naša Niva» — bastyjon biełaruščyny
PADTRYMAĆMinsk siońnia amal całkam pajšoŭ pad vadu FOTY
«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary
«Siadzieli bieź internetu i razhadvali skanvordy». Žychary Homielščyny raskazali, jak pieražyli nastupstvy stychii
U Biełaviežskaj puščy małanka razarvała 200-hadovy dub VIDEA
Kamientary