Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka
Z adnaho boku niečakany viraž losu, ź inšaha — zusim nie.
Dyrektaram farmaceŭtyčnaha pradpryjemstva «Minskinterkaps» pryznačany Uładzisłaŭ Andrejčanka, jaki byŭ da hetaha hiendyrektaram MTS u Biełarusi. Pryznačeńnie adbyłosia ŭ kancy červienia, ale prajšło amal niezaŭvažnym.
Pradstavić kalektyvu pradpryjemstva novaha dyrektara pryjechaŭ ministr achovy zdaroŭja Alaksandr Chadžajeŭ i hienieralny dyrektar Biełfarmprama Ihar Mitrafanaŭ, paviedamlajecca na sajcie pradpryjemstva.
Uładzisłaŭ Andrejčanka skončyŭ Viciebski miedycynski instytut, abaraniŭ kandydackuju dysiertacyju, źjaŭlajecca kandydatam miedycynskich navuk.
«Minskinterkaps» śpiecyjalizujecca na vytvorčaści lekaŭ u ćviordych i miakkich žełacinavych kapsułach. Asartymient kampanii štohod papaŭniajecca novymi preparatami, kala 95% ź jakich vyrablajucca pa prahramie impartazamiaščeńnia i źjaŭlajucca dženierykami aryhinalnych brendaŭ.
U krasaviku 2024 hoda Uładzisłaŭ Andrejčanka pakinuŭ top-pasadu ŭ MTS.
«Ja pryniaŭ rašeńnie ab zaviaršeńni pracy na pazicyi hienieralnaha dyrektara STAA «Mabilnyja TeleSistemy». Siońnia — moj apošni pracoŭny dzień u MTS», — paviedamiŭ tady Uładzisłaŭ Andrejčanka, jaki pryśviaciŭ kampanii 18 hadoŭ. Pryjšoŭšy ŭ jaje ŭ 2006 hodzie, jon da pryznačeńnia na pasadu hienieralnaha dyrektara ŭ kastryčniku 2021 hoda pracavaŭ na kiraŭničych pasadach u viciebskim i mahiloŭskim filijałach.
Uładzisłaŭ Andrejčanka — syn Uładzimira Andrejčanki, jaki ažno čatyry sklikańni byŭ śpikieram Pałaty pradstaŭnikoŭ. U hetym hodzie, adnak, u deputaty jaho nie pryznačyli.
Siastra Kaleśnikavaj nazvała ŭ Bruseli try kroki, jakija treba zrabić dla vyzvaleńnia palitviaźniaŭ20
Kamientary