Nazvany śviežy miedyjanny zarobak. I jon namnoha mienšy za siaredni
Za maj 2024 hoda miedyjanny zarobak u Biełarusi skłaŭ 1688,3 rubla.
U listapadzie minułaha hoda jon składaŭ 1499,5 rubla.
1688,3 rubla — 525 dalaraŭ pa siarednim kursie za maj, a kali adminusavać padatki, to jaho pamier budzie jašče mienšy: 1452 rubli, abo 452 dalary «čystymi».
Miedyjanny zarobak nazyvajecca Biełstatam dva razy na hod: za maj i listapad. Heta pakazčyk, jaki dzielić usie zarobki ŭ krainie na dźvie roŭnyja častki: pałova rabotnikaŭ atrymlivajuć bolš za hetu sumu, a druhaja pałova — mienš. Takim čynam jon lepš adlustroŭvaje situacyju z zarpłataj pa krainie, čym ličby siaredniaha zarobku.
Jak bačym, miedyjanny zarobak kudy mienšy, čym pamier siaredniaha zarobku, jakim kazyrajuć ułady (jon mienšy na 530 rubloŭ).
Siaredniaja zarpłata za maj skłała 2219,2 rubla «brudnymi» (690,5 dalara pa siarednim kursie dalara za maj), abo 1908,5 rubla «čystymi» (594 dalary).
Kamientary