Markaŭ zaklikaŭ zamiaścić YouTube, Telegram, Instagram i TikTok biełaruska-rasijskimi sacsietkami
Ministr infarmacyi ličyć, što Biełaruś i Rasija prajhrajuć u internet-prastory.
![](http://d3kcf2pe5t7rrb.cloudfront.net/img/w732d4webp1/photos/z_2024_06/markau240624-g5sna.jpg.webp)
Marat Markaŭ ličyć, što Biełaruś i Rasija pavinny raźvivać svaje sacyjalnyja sietki i internet-servisy, kab pazbavicca ad zaležnaści ad zachodnich praduktaŭ.
Ministr infarmacyi Biełarusi ličyć, što zachodnija servisy i sacsietki biełarusam naviazvali mnohija hady. U vyniku, Biełaruś i Rasija prajhrajuć u internet-prastory, piša BiełTA.
«Resursy, jakija havorać zusim nie toje, što chaciełasia b našym zachodnim kaleham, zakryvajucca ŭ luby momant, minimizujucca, piesimizujucca, adpraŭlajucca ŭ cieniavy ban ci ŭvohule adnamomantna vyklučajucca, majučy navat miljony padpisčykaŭ. I hetuju prablemu treba vyrašać», — ličyć Markaŭ.
Jon prapanuje zamiaścić YouTube i inšyja sacsietki i płatformy svaimi instrumientami. Naprykład, rasijskaj płatformaj RuTube.
«My pavinny mieć padobnaha rodu instrumienty, ź imi pracavać. Značnaja častka našych dziaciej siadzić u Telegram, TikTok, Instagram i h. d. ale heta nie našy instrumienty. I hetaje pytańnie treba vyrašać, u tym liku ŭ ramkach miedyjachołdynha, jaki budzie stvaracca», — reziumavaŭ Markaŭ.
Mininfarm vypadkova apublikavaŭ manitorynh niezaležnych miedyja. Voś što šukali čynoŭniki
Marat Markaŭ: DziaržSMI vyzvalilisia ad ludziej z «ideałahičnaj razhublenaściu»
Łukašenka raskazaŭ, što Markava ŭhavorvali być ministram infarmacyi
Markaŭ: Revalucyi ŭ Mininfarmie nie budzie
«Zanadta śmieły, zanadta dziorzki, vydatny strateh». Prapahandysty pačali ablizvać novaha ministra infarmacyi
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
![](http://d3kcf2pe5t7rrb.cloudfront.net/img/w450h300crop1webp1/photos/stock/latushka-efrrk.jpg.webp)
Kamientary
" Biełka ". Praź jaho patrebna i zładzić usialakija toki - šmoki , hramy - sramy . Chutčej rabi , chopić ŭžo bałbatać )