Paśla ŭdaru pa «Achmatdzietu» ŭkraincam źlili sakretnyja źviestki pra vykanaŭcaŭ rakietnych abstrełaŭ
Paśla rakietnaha ŭdaru, jaki rasijanie nanieśli 8 lipienia pa dziciačaj balnicy «Achmatdziet» u Kijevie, na ŭkrainskuju vajskovuju raźviedku vyjšaŭ rasijski lotčyk i pieradaŭ joj danyja, pa jakich udałosia vyznačyć imiony 30 kamandziraŭ ciažkaj bambardzirovačnaj avijacyjnaj dyvizii Rasii, paviedamlaje «Ukrainskaja praŭda» sa spasyłkaj na surazmoŭcaŭ u Hałoŭnym upraŭleńni raźviedki.
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-11171505-7pixx.jpg.webp)
Pavodle paviedamleńnia, 8 lipienia na čat-bot HUR źviarnuŭsia adzin ź lotčykaŭ 22-j ciažkaj bambardzirovačnaj avijacyjnaj dyvizii (v/č 06987, aeradrom bazavańnia «Enhiels»). Mienavita hetaja dyvizija ŭvieś čas abstrelvaje ŭkrainskija harady rakietami Ch-101.
Lotčyk napisaŭ, što šakavany ŭdaram pa dziciačaj balnicy, tamu vyrašyŭ pieradać ukrainskamu boku dakumienty, jakija tyčacca dziejnaści jahonaj vajskovaj čaści, a taksama pryvatnyja fota kamandnaha składu 22-j ciažkaj bambardzirovačnaj avijacyjnaj dyvizii.
Siarod pieradadzienaha masivu infarmacyi — dakumienty pa asabovych spravach staršaha aficerskaha składu, piersanalnyja danyja rasijskich vajskoŭcaŭ i členaŭ ich siemjaŭ i da taho padobnaje. Taksama ŭ HUR pierasłali fota kamandziraŭ dyvizii ź ich imionami.
Najbolšuju kaštoŭnaść ujaŭlajuć hryfavanyja dakumienty 22-j ciažkaj bambardzirovačnaj avijacyjnaj dyvizii.
Hiendyrektar «Achmatdzieta» paviedamiŭ pra adnaŭleńnie krytyčnaj infrastruktury balnicy
Rasija źbiraje rakiety Ch-101, adna ź jakich trapiła ŭ dziciačuju balnicu ŭ Kijevie, z zachodnich kampanientaŭ
«Dziadźka Andrej, spynisia». Plamieńnica ministra abarony Rasii, jakaja žyvie ŭ ZŠA, źviarnułasia da jaho paśla ataki na Kijeŭ
«Heta śmiećcie čałaviectva». Kiraŭnik MZS Čechii pieradaŭ takoje pasłańnie Pucinu
Na miescy ŭdaru pa dziciačaj klinicy ŭ Kijevie znajšli frahmienty rasijskaj rakiety
Viasnoju Cierciel zajaviŭ, što va ŭkrainskich balnicach terarysty chavajucca za śpinami dziaciej. Učora rasijanie ŭdaryli pa «Achmatdziet»
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
![](http://d3kcf2pe5t7rrb.cloudfront.net/img/w450h300crop1webp1/photos/stock/latushka-efrrk.jpg.webp)
Kamientary