Staŭ baćkam padčas Alimpijady. Chto taki Jaŭhien Załaty — naša nadzieja ŭ viesłavańni
3 žniŭnia ŭ 11:30 pa biełaruskim časie viaślar Jaŭhien Załaty pazmahajecca za alimpijskaje zołata — 24-hadovy atlet prabiŭsia ŭ finał spabornictvaŭ na 2000 mietraŭ. Što za spartoviec moža prynieści Biełarusi treci miedal paryžskich Hulniaŭ?
Załaty rodam z Krasnapolla — miastečka na 5500 čałaviek, što ŭ Mahiloŭskaj vobłaści. Kab stać prafiesijnym spartoŭcam, jamu daviałosia źjechać u Mahiloŭ, dzie chłopiec staŭ zajmacca ŭ abłasnym centry alimpijskaha reziervu pa vodnych vidach sportu.
Jaŭhien pačynaŭ spaborničać u ekipažach: naprykład, u 2017-m jon pryvioz ź junijorskaha čempijanatu śvietu srebra za vystup u parnaj dvojcy. Ale ŭ 2021-m, na čempijanacie śvietu siarod moładzi, Załaty ŭžo spaborničaŭ u adzinočnym farmacie, i tady chłopiec staŭ piatym.
Sioleta Jaŭhien užo braŭ miedal, heta była bronza etapa Kubka śvietu pa viesłavańni na toj ža samaj dystancyi 2000 mietraŭ, dzie biełarus paspaborničaje ŭ subotu. Na čempijanacie śvietu — 2023 Załaty byŭ siomym, i hetaha chapiła, kab uziać alimpijskuju licenziju.
Zrešty, jon moh i nie pajechać na Alimpijadu: Jaŭhien — siabra spartovaha kamiteta biełaruskich Uzbrojenych sił, i niekatorych biełaruskich atletaŭ praz heta nie dapuścili da Hulniaŭ. Ale Załatomu, jak i šerahu inšych biełarusaŭ, heta nie pieraškodziła trapić u Paryž.
Na Hulniach, adnak, u našych vieślaroŭ uźnikła prablema ź invientarom. Zbornaja płanavała pryjechać na Alimpijadu sa svaimi łodkami, ale ž na miažy im zabaranili heta rabić. Daviałosia arandavać łodki za miažoj, i nie adrazu atrymałasia heta zrabić — niamieckaja kampanija z-za sankcyj admoviłasia davać łodku ŭ arendu. Ale ŭ vyniku zadaču vyrašyli, i vyhladaje, što Załaty, u adroźnieńnie ad partniorki pa kamandzie Taćciany Klimovič, zdoleŭ prystasavacca da novaj łodki.
U 2020-m Jaŭhien ažaniŭsia na byłoj viaślarcy Ksienii, i na dniach jon staŭ baćkam. 30 lipienia, za dźvie hadziny da čverćfinalnaha alimpijskaha zajezdu, u vieślara naradziŭsia syn Mark. Jaŭhienu skazali pra navinu tolki paśla zajezdu, kab nie pieraškadžać jamu pierad važnaj padziejaj.
«Naša Niva» — bastyjon biełaruščyny
PADTRYMAĆPaśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary