Na najbujniejšym u śviecie fiestyvali mastactvaŭ prezientavali art-instalacyju ŭ honar biełaruskich palitviaźniaŭ
Da 26 žniŭnia ŭ stalicy Šatłandyi Edynburhu ŭ ramkach najbujniejšaha fiestyvalu mastactvaŭ Fringe demanstrujecca mastackaja instalacyja «Hałasy, jakija praciskajucca skroź kraty» ź imionami bolš za 1400 biełaruskich palitviaźniaŭ, paviedamlaje Radyjo Svaboda sa spasyłkaj na niamiecka-šviejcarskuju pravaabarončuju arhanizacyju Libereco.
U dvary Summerhall imiony bolš za 1400 palitviaźniaŭ vyviesili na asobnych tabličkach na anhlijskaj i biełaruskaj movach.
«Hetaja ekspazicyja, jakaja zajmaje amal 50 kvadratnych mietraŭ, pakazvaje maštaby palityčnaha pryhniotu ŭ Biełarusi, pakolki kožnaja tablička simvalizuje hady turemnaha źniavoleńnia, stračanyja nadziei, depresiju, drennaje zdaroŭje i złamanyja žyćci stolkich niavinnych ludziej. Ale jana taksama symbalizuje mužnaść i niepadparadkavańnie tysiač biełarusaŭ, jakija nie paddalisia sprobam režymu Łukašenki prymusić ludziej zamaŭčać i spynić luboje inšadumstva», — paviedamlaje Libereco.
U budynku Summerhall na adnoj sa ścienaŭ taksama vystavili 15 repradukcyj malunkaŭ biełaruskich palitviaźniaŭ, jakija tyja dasłali z turmy svaim siemjam i blizkim.
Edynburhski fiestyval mastactvaŭ Fringe ličycca najbujniejšym fiestyvalem mastactvaŭ u śviecie. Na praciahu troch tydniaŭ žniŭnia horad Edynburh vitaje tvorcaŭ z usiaho śvietu ŭ roznych vidach mastactvaŭ — teatr, tancy, cyrk, kabare, dziciačyja šou, miuzikły, opera, muzyka i inš.
Sioleta ŭ festyvali Fringe, jaki prachodzić 2-26 žniŭnia, udzielničajuć pradstaŭniki 58 roznych krain.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju21
Kamientary