MZS Hiermanii: U turmach Rasii zastajecca dvuchznačnaja kolkaść niemcaŭ
Užo dva hady ŭłady RF admaŭlajuć konsułam u naviedvańni ŭ turmach hetych hramadzianaŭ.
U rasijskich turmach siońnia znachodziacca i niamieckija hramadzianie. Ich kolkaść adpaviadaje «dvuchznačnaj u nizkim siehmiencie». Takuju infarmacyju paviedamili Der Tagesspiegel u MZS FRH, admoviŭšysia ŭdakładnić, u čym mienavita abvinavačvajuć kankretnych hramadzian, piša Deutsche Welle.
Na praciahu apošnich dvuch hadoŭ rasijskija ŭłady «admaŭlajucca dać hramadzianam, jakija majuć dvajnoje, rasijskaje i hiermanskaje, hramadzianstva, pramy konsulski dostup u formie naviedvańnia ŭ turmie, pakazali taksama ŭ niamieckim zamiežnapalityčnym viedamstvie, adkazvajučy na zapyt redakcyi.
«Jany (ułady Rasii) abychodziacca z asobami, jakija majuć rasijskaje i inšaje hramadzianstva, vyklučna jak z hramadzianami Rasii», — dadali ŭ MZS FRH.
U Ministerstvie padkreślivajuć, što ŭ kožnym asobnym vypadku prykładvajucca namahańni, kab zabiaśpiečyć dostup konsuła da hramadzian FRH. «Ci možna hetym asobam spadziavacca na toje, što i jany voźmuć udzieł u adnym z budučych abmienaŭ? Absalutna niezrazumieła», — kanstatuje Der Tagesspiegel.
U červieni ahienctva Reuters pieradało sa spasyłkaj na źviestki ŭrada ZŠA, što siarod źniavolenych rasijskich turmaŭ — prynamsi «tuzin» amierykanskich hramadzian.
1 žniŭnia adbyŭsia samy maštabny z časoŭ Chałodnaj vajny abmien źniavolenymi pamiž Rasijaj, RB i krainami Zachadu.
Pry hetym Maskva vydała 19-hadovaha hramadzianina FRH Kievina Lika; palitołaha Dytera Varonina, hramadzianina FRH i RF Hiermana Mojžesa, hramadzianina Hiermanii Patryka Šiebiela, jakomu pahražała ŭ RF 7 hadoŭ turmy za ŭvoz u krainu žavalnaha marmieładu z marychuanaj.
Biełaruś vydała asudžanaha ŭładami RB da rasstrełu, a paźniej pamiłavanaha Łukašenkam Ryka Kryhiera.
«Palityka — samaja vialikaja prastytucyja». Udava zabitaha Krasikavym čačenca asudziła jaho vydaču Rasii
Ilja Jašyn na pieršaj pres-kanfierencyi na svabodzie: Mianie nie vyzvalili, a vyhnali z krainy
Ilja Jašyn: Dvuch čałaviek sa śpisaŭ na abmien vykraślili ŭ apošni momant
Abmienieny rasijski špijon jak minimum dva razy prychodziŭ u ofis da Łatuški
Čamu rasijskich palitviaźniaŭ vyzvalili, a biełaruskich nie? Usio prosta
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju21
Kamientary