«Dziadźka Andrej, spynisia». Plamieńnica ministra abarony Rasii, jakaja žyvie ŭ ZŠA, źviarnułasia da jaho paśla ataki na Kijeŭ
Błohier Natalla Viarcinskaja zapisała videa, u jakim nazvała siabie plamieńnicaj ministra abarony RF Andreja Biełavusava. Videa ŭ sacsietkach zaŭvažyła «Astra».
Žančyna źviarnułasia da Biełavusava na fonie apošnich padziej, źviazanych z abstrełam balnic u Kijevie, zaklikała jaho spynicca i «nie adpraŭlać rasiejcaŭ na viernuju śmierć».
U svaim zvarocie jana raspaviała, što 10 hadoŭ tamu žyła ŭ Kijevie i rehularna naviedvała dziciačuju balnicu «Achmatdziet» sa svaim dziciem-invalidam.
Pa słovach Natalli, u tym ža rajonie Kijeva da hetaha času žyvie stryječny brat Biełavusava, tam ža pachavanyja jaho babula, dziadula i ciotka.
«Ja prosta ciabie zaklikaju, dziadźka Andrej, padumaj pra toje, što ty tvoryš i spynisia, kali łaska, spynisia, — kaža Viarcinskaja. — Ja viedała ciabie zaŭsiody jak dobraha, prystojnaha čałavieka. Ja chaču, kab ty padumaŭ, pieraasensavaŭ usio i spyniŭsia. Dziadźka Andrej, kali łaska, pamalisia, padumaj pra toje, što vy robicie. Heta nie moža dalej praciahvacca».
Žančyna, ź inšaha boku, kaža, što nikoli nie padtrymlivała suviaź z maskoŭskim svajakom, ale choča, kab usie viedali, što ŭ Kijevie ŭ ministra abarony RF žyvie brat.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta4
Kamientary
A karma ž na ŭsiu siamju kładziecca, kali čalcy siamji nie robiać ułasny vybar, ci padtrymlivajuć dziejańni papašy.
Astatnija rodzičy zabojcaŭ ź minabarony RF maŭčać...