Zachavańnie «Biełsata» i źmiakčeńnie ŭmovaŭ pravozu tavaraŭ praz polskuju miažu — što Cichanoŭskaja abmierkavała ź Sikorskim
Śviatłana Cichanoŭskaja sustrełasia ź ministram zamiežnych spravaŭ Polščy Radasłavam Sikorskim padčas Samitu NATA ŭ Vašynhtonie, paviedamlaje jaje pres-słužba.
Na sustrečy Cichanoŭskaja ŭzhadała situacyju z «Biełsatam» i zaklikała ministra praciahnuć padtrymku kanała, zachavaŭšy jaho niezaležnaść. Cichanoŭskaja padkreśliła: telekanał krytyčna važny dla biełaruskaj supolnaści.
Taksama palityki abmierkavali situacyju na miažy Polščy ź Biełaruśsiu.
Cichanoŭskaja adznačyła važnaść zachavańnia pasažyrskaha ruchu pamiž krainami i źviarnuła ŭvahu ministra na nieabchodnaść udakładnić instrukcyi, kab źniać ci źmiakčyć abmiežavańni dla fizičnych asobaŭ.
Akramia taho, važnaj temaj dyjałohu stali vizy dla biełarusaŭ. Cichanoŭskaja zaklikała ministra praciahvać ich vydaču: nie tolki humanitarnych, ale i zvyčajnych.
Asobna baki abmierkavali stanovišča palitviaźniaŭ, u pryvatnaści — Andžeja Pačobuta. Cichanoŭskaja padtrymała rašeńnie Polščy trymać pytańnie palitviaźniaŭ na paradku dnia i zaklikała dabivacca vyzvaleńnia ŭsich represavanych.
Naprykancy sustrečy palityki razmaŭlali pra praviadzieńnie polska-biełaruskaj kanfierencyi na pačatku nastupnaha hodu.
Kamientary