Hramadstva9797

Milinkievič: Kiepska, što Cichanoŭskaja nie razumieła, čyj Krym. Ale jana prajšła evalucyju

Svaim mierkavańniem adnosna lidarki biełaruskaj demakratyčnaj apazicyi Alaksandr Milinkievič padzialiŭsia ŭ novym vypusku TOKu.

Fota: Ofis Cichanoŭskaja

U razmovie Milinkieviču nahadali, što jon nazvaŭ adnoj z asnoŭnych pamyłak Śviatłany Cichanoŭskaj toje, što jana nie adrazu zajaviła, što Krym — ukrainski, i paprasili patłumačyć, što, na jaho mierkavańnie, Śviatłana Cichanoŭskaja rabiła nie tak, jak jaje papiaredniki.

«Ja nie zakidvaju joj heta jak pamyłku. Ja liču, što jana, jak dumała, tak i havaryła. Tak dumała i bolšaść biełarusaŭ. (…) Jana havaryła naturalna. Jana bajałasia skazać pra Krym, tamu što bolšaść biełarusaŭ nie viedali, što Krym žalezna ŭkrainski», — patłumačyŭ Milinkievič i dadaŭ:

«Ja skažu ŭvohule kramolnuju dumku. Kali b tady na čale hetaha fantastyčnaha, pryhožaha pratestu, jaki niečakana naradziŭ biełaruskuju nacyju, byŭ demakrat staroj hvardyi, umoŭny ja ci inšy, my b nie abjadnali tak ludziej, jak Cichanoŭskaja».

Milinkievič prapanavaŭ zhadać, što ludzi tłumačyli svajo žadańnie hałasavać za Cichanoŭskuju tym, što «jana takaja, jak my».

«Jana była ŭ trendzie ahulnaj palityčnaj pazicyi ludziej. Heta kiepska, što jana nie razumieła [čyj Krym], ale dobra ŭ sensie abjadnańnia», — adznačyŭ palityk.

@tokbelarus Ci chočuć biełarusy ŭ Jeŭropu? Adkazvaje Alaksandr Milinkievič #ekonomika #politika #objaśnienije #ievrosojuz #činovniki #biełaruś ♬ stellar (Slowed + Reverb) - .diedlonely & énouement

Milinkievič ličyć, što Śviatłana Cichanoŭskaja jak asoba i palityk prajšła «fantastyčnuju evalucyju».

«Jana ŭmieje vučycca. Jana navučyłasia. Siońnia heta zusim inšy čałaviek. I pa-inšamu dumaje i havoryć. Ale jana prajšła hety čas razam z bolšaściu ludziej. I bolšaść ciapier razumieje, što Maskva nie takaja charošaja. (…) Ludzi razumniejuć, i jana taksama vučycca», —

adznačaje palityk i dadaje, što jon nie adrazu heta zrazumieŭ, jamu chaciełasia, kab Cichanoŭskaja «adrazu była takaja, jak my. Heta ž tak prosta pra Krym skazać ci pra rasijskuju impierskaść».

«Ale jana prajšła [evalucyju] i ŭpieršyniu biełarusy majuć lehitymnaha čałavieka, jaki maje prava havaryć ad imia ŭsich biełarusaŭ. U nas takoha nikoli nie było.

Adzinym čałaviekam, jaki mieŭ prava havaryć ad imia ŭsich biełarusaŭ, byŭ Łukašenka. Jon vyjhraŭ vybary tady [u 1994 hodzie]. Jon staŭ dyktataram absalutnym. Pabudavaŭ tatalitarnaje hramadstva. I kaža, što jon stalinist. Jon im i jość. Voś jon tudy pajšoŭ. A narod tudy nie pajšoŭ.

A jana pajšła ŭ demakratyju, i siońnia jana sapraŭdny, dastojny, hodny lidar. Ja dumaju, nam paščaściła, što historyja nam dała hety šanc».

Hladzicie całkam:

Kamientary97

  • EMIL
    07.07.2024
    Čto niesiot etot starik? Vidimo, jemu chorošo zapłatili!
  • Płošča
    07.07.2024
    Adzin źbity lotčyk kamentuje druhuju!
    I jakich vynikaŭ my chočam čakać, kali nam uciuchvajuć tolki niaŭdačnikaŭ praz hetyja ŚMI?
  • .
    07.07.2024
    Redakcyja: Dziakuj za zaŭvahu

Pašpart Novaj Biełarusi pačnuć vydavać z 26 studzienia. Što viadoma i jak atrymać?9

Pašpart Novaj Biełarusi pačnuć vydavać z 26 studzienia. Što viadoma i jak atrymać?

Usie naviny →
Usie naviny

Va ŭkrainski pałon trapiŭ kuchar ź Nieapala. U Italii jaho asudzili za seksualny hvałt nad 9-hadovym dziciem2

U Rasii zajavili pra zachop ukrainskaha radovišča lityju3

Abjavili «ekstremisckimi» «Narodnyja naviny Viciebska»

Pry viartańni ŭ Biełaruś na śviaty aryštavali jak minimum 8 čałaviek1

«Takoha viaźnia niama». Ciažkachvoraha palitviaźnia katujuć u kałonii pad Viciebskam4

Budaŭničuju amnistyju pradoŭžyli na 3 hady4

Kabančuk: Ja nie datyčny da spravy Vieramiejčyka i naohuł nie viedaŭ, što jaho zanieśli ŭ stop-list na ŭjezd49

Rabotnikam «Hrodna Azot» pahražajuć zvalnieńniami za smartfony na pracy

U byłoha dyrektara J:MORS pamierła 12-hadovaja dačka, jakaja doŭha lačyłasia ad hienietyčnaha zachvorvańnia2

bolš čytanych navin
bolš łajkanych navin

Pašpart Novaj Biełarusi pačnuć vydavać z 26 studzienia. Što viadoma i jak atrymać?9

Pašpart Novaj Biełarusi pačnuć vydavać z 26 studzienia. Što viadoma i jak atrymać?

Hałoŭnaje
Usie naviny →