U Rasii paśla pačatku vajny bolš za 10 tysiač sałdat prajšli praz sudy za ŭchileńnie ad słužby
Ličba ŭ 10085 sałdat, aktualnaja na 15 červienia, uklučaje ŭ siabie tolki tych vajskoŭcaŭ, spravy suprać jakich dajšli za hety čas da sudoŭ. Kolkaść sałdat, suprać jakich takija spravy ŭžo zaviedzienyja, ale jašče nie dajšli da suda, acanić niemahčyma, piša «Miedyjazona».
Na piku ŭ krasaviku hetaha hoda sudy vynosili bolš za 30 prysudaŭ u dzień. Bolšaja častka z hetych prysudaŭ — umoŭnyja, jany dazvalajuć kamandziram nieadkładna adpraŭlać asudžanych nazad na pieradavuju.
Bolš za 10 tysiač kryminalnych spraŭ z pačatku vajny aznačaje, što ŭ siarednim u Rasii za dzień zavodzicca kala 12 spraŭ za toje ci inšaje ŭchileńnie ad vajskovaj słužby.
Da abviaščeńnia ŭ Rasii mabilizacyi rasijskich vajskoŭcaŭ praktyčna nie pieraśledavali za admovu ad słužby. Adnak paśla vieraśnia 2022 hoda im zabaranili zvalniacca, a Dziaržduma pryniała bolš žorstkija «vajennyja» papraŭki ŭ artykuły Kryminalnaha kodeksa.
Z taho momantu ŭ sudy pastupiła 9059 spraŭ ab samavolnym pakidańni čaści, 627 spraŭ ab nievykanańni zahadu i 339 spraŭ ab deziercirstvie.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha14
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary