Skulpturu pastavili ŭ Centralnym parku.
U Biešankovičach u centralnym haradskim parku adkryli skulpturu «Zakachanyja», piša BiełTA.
Kaliści ŭ parku była tancplacoŭka, i mnohija pakaleńni pravodzili ŭ cieni dreŭ svabodnyja viečary i vychodnyja. Zaraz novaj słavutaściu stała skulptura «Zakachanyja».
Para siadzić u siamiejnaj łodcy, pad jakoj uzdymajucca chvali, jakija simvalizujuć roznyja vyprabavańni. Na hałavie žančyny vianok — jak šlubny vianok, jana apranutaja ŭ sukienku, a mužčyna — u lohki kaścium. Jany abodva bosyja, i hetaja detal byccam kaža, što možna staptać šmat čaravikaŭ, pierš čym znojdzieš svaju pałovu, a kali adšukaješ, to ŭžo nie zaŭvažaješ takoj drobiazi, jak tufli. Zakachanyja trymajucca za ruki
U cyrymonii adkryćcia skulptury ŭdzielničali Leanid i Natalla Žuk, jakija pražyli razam 50 hadoŭ — u žniŭni jany adznačyli paŭstahodździa ščaślivaha šlubu. U siamji ź Biešankovičaŭ troje synoŭ i piać unukaŭ. Jany zakłali tradycyju — dakranacca da ruk zakachanych, zastyłych u mietale.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA8
Kamientary