«Za kožnaj pryhožaj karcinkaj staić vialikaja praca». Biełaruska raskazała, jak źniałasia ŭ modnym časopisie Vogue
U kastryčnicki numar polskaj viersii słavutaha modnaha časopisa Vogue zaprasili śpiavačak biełaruskaha choru SPIEVY. Numar ź vialikim razvarotam pra kalektyŭ vyjšaŭ 25 vieraśnia, a adna z udzielnic, fatohrafka Alina Mazaviec, padzialiłasia, jak prachodzili zdymki.
Choć zdymki rabilisia dla kastryčnickaha numara Vogue, pravodzili ich u pačatku vieraśnia, kali była vialikaja śpioka. I z-za hetaha dziaŭčatam daviałosia adpakutavać, bo nasili adzieńnie nie pad nadvorje: u 30-hradusnuju śpiakotu ŭ futrach, švedrach i skuranych vyrabach
«Nakolki pryhožymi byli maje boty, nastolki i niazručnymi», — kaža fatohrafka Alina Mazaviec, jakaja raskazvaje pra praces u instahramie.
Prytym zdymałasia heta ŭsio na plažy, pa piasku jakoha treba było chadzić na abcasach. Da taho ž ad śpioki raspłyvaŭsia makijaž.
Kamanda, jakaja pravodziła zdymki, była pryjaznaja i dobrazyčlivaja, ale adnačasova i patrabavalnaja. Zdymali ŭvieś dzień, i kali spačatku było viesieła, to paśla vielmi fizična ciažka. U vyniku dziaŭčyna navat zarabiła sabie siniaki pad kaleniami.
«Za kožnaj pryhožaj karcinkaj staić vialikaja praca», — robić jana zaklučnuju vysnovu.
SPIEVY (ci jašče adzin varyjant nazvy — SPIEVY Z-PAD MOSTA) — heta žanočy chor, jaki składajecca z emihrantak ź Biełarusi. U repiertuary ŭ choru tradycyjnyja biełaruskija pieśni i śpievy.
Chor byŭ stvorany hrupaj siabrovak, jakija pačali sustrakacca pad Śvientakšyskim mostam u Varšavie viasnoj 2023 hoda. Inicyjatarkami stali mastačka Karalina Palakova i śpiavačka Rusia, vakalistka hurta Shuma.
Na rachunku choru ŭžo bolš za 20 publičnych vystupleńniaŭ i niekalki rekanstrukcyj staražytnych biełaruskich abradaŭ.
Numar Vogue ź vialikim razvarotam pra kalektyŭ vyjšaŭ 25 vieraśnia.
Biełaruska pryviezła na tydzień mody ŭ Paryžy lnianyja viasielnyja sukienki FOTY
Ad pakazaŭ Victoria's Secret i vokładak Vogue da zdymak u Safii Kopały. Biełaruskija madeli, jakija skaryli suśvietnyja podyumy
Biary prykład! Dziesiać stylovych biełarusaŭ, vobrazami jakich možna natchniacca
Mielicina Staniuta raspaviała, jak sprabavała ŭładkavacca ŭ madelnyja ahienctvy Francyi
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»4
Kamientary