Pa danych rasijskich pablikaŭ, u Jejsku Krasnadarskaha kraju RF kala vajskovaha aeradroma prahrymieli vybuchi. Akramia Krasnadarskaha kraju, vybuchi byli ŭ Rastoŭskaj, Varoniežskaj, Vałhahradskaj i inšych abłaściach.
Pavodle źviestak Ministerstva abarony RF, za noč nad terytoryjaj Rasii było pierachoplena 125 BPŁA.
«67 BPŁA pierachoplenyja i źniščanyja nad terytoryjaj Vałhahradskaj vobłaści, 17 — nad terytoryjaj Biełharadskaj, 17 — nad terytoryjaj Varoniežskaj vobłaści, 18 — nad terytoryjaj Rastoŭskaj vobłaści, pa adnym nad terytoryjaj Branskaj, Kurskaj abłaściej i Krasnadarskaha kraju,3 BPŁA nad akvatoryjaj Azoŭskaha mora», — zajavili ŭ viedamstvie.
Rasijskija pabliki ŭdakładniajuć, što ŭ Vałhahradskaj vobłaści adnoj z metaŭ BPŁA byŭ bujny arsienał bojeprypasaŭ u pasiołku Katłubań (na videa).
Taksama BPŁA atakavaŭ vajskovy aeradrom u Jejsku, dzie adbyŭsia pažar. Karystalniki ŭ hrupach Jejsk i Krasnadarskaha kraju raspaviadali nočču pra vybuchi kala vajskovaha haradka, dzie taksama znachodzicca aeradrom VMF RF — tam bazujecca 859-j centr bajavoha prymianieńnia i pieravučvańnia lotnaha składu marskoj avijacyi VMF RF i 190-j navučalny źmiešany avijacyjny połk VMF.
U Varoniežy i pryharadzie taksama mocnyja pažary paśla ataki BPŁA i pracy rasijskaj SPA.
Kali Kanapackaja stała całkam padkantrolnaja Łukašenku?22
Kamientary