Ministarka ŭnutranych spraŭ Litvy Ahnie Biłatajcie zajaviła, što litoŭskija pamiežniki da kanca 2024 hoda atrymajuć dla vykanańnia svaich zadač ciažkoje ŭzbrajeńnie. Jana skazała pra heta padčas naviedvańnia razam z premjer-ministarkaj Inhrydaj Šymanicie aeradroma Pałukśnis u Trockim rajonie, piša BNS.
«Ministerstva nacyjanalnaj abarony taksama budzie spryjać zabieśpiačeńniu pamiežnikaŭ ciažkim uzbrajeńniem. Ja nie chacieła b zahłyblacca ŭ detali, tamu što ŭsio heta jašče na stadyi abmierkavańnia», — skazała ministarka.
Pavodle jaje, takoje rašeńnie źjaviłasia ŭ adkaz na ŭroki rasijskaj ahresii va Ukrainu.
U svaju čarhu, kiraŭnik Pamiežnaj słužby Litvy Rustam Lubajeŭ paviedamiŭ, što ciažkoje ŭzbrajeńnie budzie ŭklučać jak mabilnuju, tak i stacyjanarnuju techniku, i nabuduć jaho da kanca 2024 hoda.
«Prynamsi, na pieršym etapie ŭzbrajeńnie, jakoje płanujecca nabyć, nie patrabuje admysłovaj padrychtoŭki. […] Jaho možna budzie vykarystoŭvać suprać vajskoŭcaŭ i suprać peŭnaj techniki», — zajaviŭ Lubajeŭ.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary