Armija Litvy ŭpieršyniu ŭ historyi praviała ahniavyja vučeńni HIMARS
Ahniavyja vučeńni z reaktyŭnaj sistemy załpavaha ahniu HIMARS byli praviedzienyja ŭ Litvie ŭpieršyniu, paviedamlaje Delfi.lt.
Vučeńni ŭ Kłajpiedskim rajonie, niedaloka ad miažy z Rasijaj, jak paviedamlajecca, praviali vajskoŭcy litoŭskaha artyleryjskaha bataljona sumiesna z marskimi piechacincami ZŠA, jakija dziela hetaha prybyli ŭ Litvu.
Pavodle słoŭ ministra abarony Litvy Łaŭrynasa Kaščunasa, nabyćcio sistem HIMARS i praviadzieńnie vučeńniaŭ źjaŭlajucca nadzvyčaj važnym faktaram dla strymlivańnia niedružalubnych u dačynieńni da Litvy krain, pad jakimi majucca na ŭvazie Rasija i Biełaruś.
«Heta važny faktar strymlivańnia, jaki demanstruje bajavuju moc jak našu, tak i aljansu. Heta faktar, jaki taksama śviedčyć pra peŭnyja pazityŭnyja źmieny, ŭśviedamleńnie taho, što biaździejnaść — heta nie deeskałacyja, i što tolki Uschod moža zrazumieć heta jak mahčymaść dziejničać.
Vykarystańnie takich sistem, jakija mohuć udaryć pa praciŭniku vielmi hłyboka, śviedčyć pra peŭnuju adaptacyju da situacyi, pakazvajučy, što my budziem bolš aktyŭnyja ŭ śfiery vajennaha strymlivańnia».
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary