Fota Šamila Basajeva ŭsio ž prybrali z ekspazicyi abchazskaha muzieja. Prymušać pryjazdžaŭ ministr abarony
Pa patrabavańni ministra abarony samaabvieščanaj Abchazii Uładzimira Anua ekspazicyja z fotazdymkami hierojaŭ Abchazii, u tym liku Šamila Basajeva, «vydalenaja ŭ archiŭ» Dziaržaŭnaha muzieja ŭ Suchumi. Pra heta paviedamlaje «Echo Kavkaza».
Paviedamlajecca, što Uładzimir Anua razam sa svaimi namieśnikami naviedaŭ muziej i nastajaŭ na zakryćci ekspazicyi, niahledziačy na piarečańni supracoŭnikaŭ muzieja, pieradaje abchazskaje ahienctva «Aiašara».
«Ciapier na miescy ekspazicyi pustata. Fota piaci hierojaŭ Abchazii, jak i patrabavaŭ ministr Anua, prybrali ŭ archiŭ», — paviedamlaje ahienctva.
Pry hetym śćviardžajecca, što niezadavolenaść Anua była źviazana z fatahrafijaj jašče adnaho hieroja Abchazii — kabardzinca Ibrahima Jahanava. Jon zmahajecca za pryznańnie hienacydu Rasijaj čarkieskaha naroda ŭ XIX stahodździ, a padčas ciapierašniaj vajny vystupiŭ u padtrymku Ukrainy.
Akramia Ibrahima Jahanava i Šamila Basajeva, pa patrabavańni taho ž Uładzimira Anua byli vydalenyja fatahrafii jašče troch čałaviek sa zvańniami hierojaŭ Abchazii: Muchamieda Kiłba, Chamzata Chankarava i Džumy Čyrykbaja.
«Jak udałosia vyśvietlić, nijakaha piśmovaha rasparadžeńnia ab pieranosie ekspazicyi ŭ archiŭ ni ź Ministerstva kultury Abchazii, ni ad premjer-ministra kiraŭnictvu Dziaržmuzieja nie pastupała», — piša vydańnie.
Raniej pra fatahrafiju Šamila Basajeva, raźmieščanuju ŭ Dziaržaŭnym muziei samaabvieščanaj Abchazii, paviedamili ŭ rasijskich telehram-kanałach. U rasijskaj ambasadzie ŭ Suchumi zajavili, što ličać demanstracyju partreta niedapuščalnaj. Ale ŭ administracyi muzieja kazali, što nie majuć namieru prybirać zdymak da rašeńnia suda abo zahadu ab pazbaŭleńni Basajeva zvańnia hieroja Abchazii.
Šamil Basajeŭ — adna z klučavych postaciaŭ čačenskaj vajny za niezaležnaść ad Rasii, jakaja adbyvałasia ŭ 1990-ja hady. Jon praciahvaŭ zmahańnie navat paśla taho, jak rasijskaj armii ŭdałosia ŭziać terytoryju Čačni pad kantrol, rasijskim śpiecsłužbam udałosia jaho zabić tolki 10 lipienia 2006 hoda. Da taho času jon ličyŭsia ŭ čačenskim supracivie fihuraj № 1.
U Abchazii Basajeva, jak i Ibrahima Jahanava, šanujuć za toje, što jany brali ŭdzieł u hruzina-abchazskaj vajnie 1992-1993 hadoŭ na baku Abchazii.
U Dziaržaŭnym muziei Abchazii visić partret Šamila Basajeva. I zdymać jaho pakul admaŭlajucca
Rasija dabivajecca, kab Abchazija dazvoliła masavaje pierasialeńnie tudy rasijan. Dla hetaha spyniła vypłatu zarobkaŭ abchazam
Hruzija nie puściła piensijanieraŭ-turystaŭ ź Biełarusi. Voś što stała pryčynaj
Što atrymaŭ Łukašenka za vizit u Abchaziju?
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj22
Kamientary