Heta dapamoža spravicca z raspaŭsiudžanaj prablemaj.
Bolšaść ludziej zachoŭvaje muku va ŭpakoŭcy z papiery ci vysypaje jaje ŭ inšuju jomistaść. Usim viadoma, što hety pradukt treba zachoŭvać u suchim i prachałodnym miescy i pažadana ŭ hiermietyčnaj tary.
Ale najbolš daśviedčanyja haspadyni paśla taho, jak nabyli muku, spačatku źmiaščajuć jaje na niekatory čas u maraziłku. Navošta?
Jak viadoma, takija sypučyja pradukty, jak muka, rys ci inšyja krupy, źjaŭlajucca vydatnym charčavańniem dla roznych vidaŭ nasiakomych.
Najbolš raspaŭsiudžanymi ź ich źjaŭlajucca ziernievaja mol (Sitotroga cerealella), łuskaŭnica cukrovaja (Lepisma saccharina), ličynki vialikaha mučnoha chruščaka (Tenebrio molitor).
Śpiecyjalisty adznačajuć, što hetyja nasiakomyja, jakich niaredka možna sustreć na našych kuchniach, nie ŭjaŭlajuć dla nas pahrozy. Ich papadańnie ŭ ježu moža vyklikać tolki pačućcio ahidy. Ale chiba što kožny chacieŭ by paźbiehnuć takoj «dabaŭki».
Mała chto viedaje, što hetyja nasiakomyja traplajuć na našu kuchniu z nabytych u mahazinie sypučych praduktaŭ. Pieršapačatkova ŭ ich znachodziacca jajki nasiakomych. Praces adkładańnia adbyvajecca padčas vytvorčaści ci zachoŭvańnia na składach. Z-za vielmi maleńkich pamieraŭ zaŭvažyć ich niemahčyma. Tolki praź niekatory čas ź jajek vyłuplajucca ličynki. I heta zvyčajna adbyvajecca ŭžo na našaj kuchni.
Kab takoha paźbiehnuć, rekamiendujecca paśla pakupki źmiaścić muku, krupy ci rys u marazilnuju kamieru na 48 hadzin. Heta źniščyć usie jajki nasiakomych, jakija mahli tam znachodzicca.
Paśla takoj pracedury rekamiendujecca pierasypać muku ci krupy ŭ taru, jakaja ščylna zakryvajecca. Vielmi važna, kab jana była daskanała vymyta i vysušana.
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu17
Kamientary
Učiť matčasť v škole nado.