Ci možna pić kvas i biezałkaholnaje piva za rulom? U Hrodnie praviali ekśpierymient
Milicyja ŭ Hrodnie praviała ekśpierymient z ałkatesteram: udzielniki pravieryli, ci možna sadzicca za rul paśla ŭžyvańnia valarjanki, kiefiru, kvasa, biezałkaholnaha piva, kavy i cukierak z likioram.
U bolšaści vypadkaŭ ałkatester pakazaŭ 2 pramile i bolš adrazu paśla taho, jak pradukty byli źjedzienyja abo vypityja. Taki vynik atrymaŭsia ŭ kavy 18+ ź likioram, cukierak z ałkaholem i valarjanki.
Najbolšyja ličby — 2,5 pramile — pakazali viadomyja cukierki-butelečki. Ale praz 10 chvilin apjanialny efiekt syšoŭ na ništo.
Niečakany vynik pakazaŭ ciomny kvas. Varta viedać, što kali za rulom chtości zachoča prahnać smahu kvasam, to adrazu paśla pićcia ałkatester pakaža 0,27 pramile. Praz 10 chvilin, praŭda, usio vyvietrycca.
A voś biezałkaholnaje piva sapraŭdy zusim biaskryŭdnaje: jaho možna pić i adrazu sadzicca za rul. Toje ž samaje tyčycca i kiefiru.
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary