Ekanomika88

Kałhotki Conte — u dva razy daražejšyja, lidski kvas — u try razy. Jakija biełaruskija tavary i pa kolki možna kupić u Polščy

Sankcyi Jeŭrasajuza istotna skaracili abjom biełaruskich tavaraŭ, jakija pastaŭlajucca ŭ Polšču, ale mnohija brendy pa-raniejšamu možna znajści ŭ polskich kramach. Most pahladzieŭ, jakija biełaruskija tavary ciapier pradajucca ŭ Polščy i kolki jany kaštujuć.

Pančochi i kałhotki Conte ŭ Varšavie

Pieršym znachodzicca polski sajt z pančošna-škarpetkavymi vyrabami ad biełaruskaj kampanii Conte. Ceny na kłasičnyja kałhotki ščylnaściu 40 den pačynajucca ad 11,90 złotaha (9,63 rubla) — heta moža sabie dazvolić polka ź lubym biudžetam. Vierchni siehmient kłasiki — 27,90 złotaha (22,53 rubla).

U siarednim ceny našmat vyšejšyja, čym u Biełarusi. Tak, u adnym ź biełaruskich anłajn-hipiermarkietaŭ žanočyja kałhotki Conte Elegant Prestige ščylnaściu 70 den kaštujuć 12,67 rubla, a ŭ polskaj kramie — 27,90 złotaha, abo 22,53 rubla — na 80% daražej.

UVAHA: Ciapierašni kurs polskaha złotaha ŭ dačynieńni da biełaruskaha rubla — 0,80 rubla za 1 złoty pa kursie Nacyjanalnaha banka Biełarusi. 

Skrynšoty z sajtaŭ Conteshop.pl i Edostavka.by

Dla amatarak pančoch i kałhotak z uzorami pradstaŭlena mnostva varyjantaŭ. Naprykład, cana kałhotak u harošak vahajecca ad 24,90 da 51,21 złotaha. Za kałhotki z nadpisami daviadziecca zapłacić ad 27,90 da 62 złotych. Siaredniaja cana pančoch — 32 złotyja.

Žanočyja pančochi Conte. Skrynšot z sajta Conteshop.pl

Krama prapanuje biaspłatnuju adpraŭku tavaraŭ pry kupli na sumu ad 50 złotych.

Bializna Milavitsa, adzieńnie Mark Formelle i šlopki Belwest

Na polskim sajcie Allegro možna nabyć nižniuju bializnu Milavitsa. Jaje realizujuć firma pad nazvaj ASTPL, a taksama niekalki pryvatnych asob.

Pra aktualnaści madelaŭ mierkavać składana, ale šyroki vybar stanikaŭ vidavočny. Ceny pačynajucca ad 71,99 złotaha ŭ pryvatnaj asoby i ad 152 złotych — u firmy.

Staniki Milavitsa. Skrynšot z sajta Allegro.pl

Tut ža možna znajści tavary ad biełaruskaha brenda Mark Formelle. Praŭda, asartymient rasčaroŭvaje: pradstaŭlena ŭsiaho čatyry pazicyi: čorny stanik za 19,58 złotaha, błuzka za 19,62 złotaha, šapka za vosiem złotych i mužčynskaja tałstoŭka za 30 złotych. U abjavach paznačana, što tavary realizuje firma, adnak usie jany pradstaŭleny ŭ adnym pamiery.

Jašče ŭdałosia znajści bežavyja skuranyja šlopki Belwest za 169 złotych.

Skuranyja šlopki Belwest. Skrynšot z sajta Suzana.pl

«Bielita Viteks» i haspadarčaje myła

Na adnym z polskich sajtaŭ atrymałasia znajści kaśmietyku «Bielita Viteks». Tut možna kupić pastu-bijapilinh za 69 złotych, zubnuju pastu za 11,70 złotaha, apałoskvalniki dla połaści rota za 13 i 14,90 złotaha i hieli dla duša za 14,70.

Na inšym sajcie znajšli myła-pilinh dla cieła za 29 złotych, uvilhatnialnuju pienku dla myćcia za 15 złotych i aroma-sol dla vanny za 16.

Ale samaj cikavaj znachodkaj stała lehiendarnaje biełaruskaje haspadarčaje myła 72% za 3,95 złotaha.

Haspadarčaje myła. Skrynšot z sajta Allegro.pl

Cacki fabryki «Paleśsie»

Nastupnaja znachodka — cacki biełaruskaj fabryki «Paleśsie». Na sajcie kimland.pl pradstaŭleny davoli šyroki asartymient cacak dla dziaŭčynak i chłopčykaŭ, adnak bolšaść tavaraŭ dla kupli niedastupnyja.

U najaŭnaści traktar z pryčepam za 49 złotych, nabor posudu z 32 pradmietaŭ za 24 złotych i kubiki za 119. Krama prapanuje biaspłatnuju dastaŭku pry zamovie ad 249 złotych. Pry zamovie na mienšuju sumu dastaŭka abyjdziecca ad 12 złotych.

Dziciačyja mašynki. Skrynšot sajta Kimland.pl

Lidski kvas i hłybockaja zhuščonka ŭ telehram-čacie

U telehram-čacie «Biełastok» udałosia znajści lidski kvas i hłybockuju zhuščonku ad pryvatnaha pradaŭca. Košt zhuščonki — 15 złotych za blašanku, a dvuchlitrovaj butelki kvasu — 10 złotych. U biełaruskim hipiermarkiecie tyja ž pradukty kaštujuć 3,69 rubla i 2,83 rubla, adpaviedna.

Biełaruski šakaład na ebay.pl

Kali zadacca metaj, to na hetym sajcie možna zamović samyja roznyja biełaruskija prysmaki z dastaŭkaj u Polšču, ale ceny buduć kaśmičnymi. Tak, za ŭpakoŭku hryljažu ŭ šakaładzie ad fabryki «Spartak» daviadziecca addać 172,11 złotaha, čatyry ŭpakoŭki žuravin u cukry buduć kaštavać ad 176 złotych, 900 hramaŭ «staličnych» cukierak abyducca ŭ 317 złotych.

Kamientary8

  • Seka
    21.02.2024
    Lidski kvas u Ašanie spakojna pradajecca, navat dyzajn całkam taki samy, čysta nazvu źmianili na "Słowiański kwas". Sankcyi abychodziać lubymi šlachami.....
  • daviedka
    21.02.2024
    Ja jeŝio mohu poniať, kohda biełorusskije tovary stojat dorožie v Polšie, hdie nasielenije zarabatyvajet v razy bolšie, vot tolko nie rabotajet obratnaja łohika, kohda polskaja zubnaja pasta Elmex ili polskaja tualetnaja bumaha Regina stojat u nas v połtora-dva raza dorožie tolko potomu, čto sobstvieńniki prikorytnoho sietievoho ritiejła zdieś chotiat poimieť v razy bolšie s niŝich biełarusov...
  • Minak
    21.02.2024
    "Pa kolki? "...

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Usie naviny →
Usie naviny

Ukraina śpiašajecca stvaryć vajennyja bieśpiłotniki sa štučnym intelektam1

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

bolš čytanych navin
bolš łajkanych navin

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Hałoŭnaje
Usie naviny →