Biełaruski śpiavak Ap$ent pra svaje zarobki: Rekord na miesiac — $30 tysiač
Arsień Kiślak, viadomy jak vykanaŭca Ap$ent, u novym vypusku ČiestnOK-LIVE raskazaŭ pra svoj vopyt pracy da taho, jak pačaŭ śpiavać, i zarobki.
Jak adznačaje Arsień, jon ź biednaj siamji: «Maja maci zaŭsiody pracavała na pracy, jakaja nizka apłačvałasia. U mianie byli tannyja niepryhožyja rečy z rynka. Pieršy kampjutar mnie kupili ŭ 16 hadoŭ za hrošy, što pieraličyli dziadulu za biežanstva ŭ Druhoj suśvietnaj vajnie. Vyrašyli takim čynam ukłaścisia ŭ maju adukacyju. I nie daremna. Užo ŭ toj čas ja pačaŭ pisać i mantavać muzyku». Pa słovach mužčyny, maci padtrymlivała jaho sproby ŭ muzycy i kupiła pieršuju hitaru.
Ale šlach u muzyku byŭ doŭhim. «Ja nie razumieŭ, jak ja mahu zajmacca muzykaj. Było niezrazumieła, jak joj možna žyć, jak heta ŭsio manietyzavać. … Na momant, kali ja zakančvaŭ škołu, muzykaj nielha było zarabić. A mnie treba było jeści, samomu vyžyvać», — zhadvaje chłopiec i raspaviadaje pra vialiki vopyt pracy.
Paśla zakančeńnia škoły maci pryviała Arsienia da siabie na zavod, dzie jon adpracavaŭ adzin dzień:
«Ja adzin dzień papracavaŭ na zavodzie i zrazumieŭ, što heta vielmi mocna nie majo. Nie ŭ tym, što składanaja rabota (jana była jakraz vielmi lohkaja). Tam niejki kantynhient, ludzi, jakija śpivajucca, jakim ničoha ŭ žyćci nie cikava… Mnie było ciažka tam znachodzicca».
Paśla hetaha chłopiec uładkavaŭsia na pracu ŭ bank, dzie adpracavaŭ dva s pałovaj hady ŭ kasie, a potym staŭ śpiecyjalistam. Ale paźniej jon rasčaravaŭsia ŭ hetaj rabocie:
«Rabota dušyła svajoj bieśpierśpiektyŭnaściu. Usio było vielmi drenna. Ja amal uvajšoŭ u depresiŭny stan. I vyrašyŭ, što ŭsio treba kidać i kardynalna mianiać».
U vyniku Kiślak zaniaŭsia prodažami. Jak zhadvaje chłopiec, davodziłasia handlavać matornym alivam, hafryravanymi trubami. Ale i heta jamu nadakučyła, byŭ «vialiki psichałahičny cisk u rabocie ź ludźmi, z načalstvam».
U vyniku Kiślak znoŭ źmianiŭ miesca pracy:
«Ja dumaŭ, što ničoha nie ŭmieju. Mnie było 23-24 hady. Vyrašyŭ pajści na budoŭlu», — zhadvaje jon. Pa jaho słovach, tam jon šmat čamu navučyŭsia. Rabiŭ elektryku, tynkavaŭ, špaklavaŭ. Ale znoŭ zrazumieŭ, što pačaŭ «na miescy buksavać». Da taho ž, pa jaho słovach, budoŭla — takaja «voŭčaja śfiera, dzie viečna prablemy z zakazčykami, apłatami».
Paśla budoŭli Kiślak staŭ pradavać elektryku. Ale praź niekatory čas heta pierastała prynosić prybytak i jon staŭ pracavać ahientam pa nieruchomaści. A zatym staŭ kredytnym kansultantam.
Niahledziačy na taki doŭhi šlach da muzyki, Kiślak ličyć, što jon nie byŭ zhubleny. Jon nabyŭ peŭny vopyt. Źmianiŭsia i čas.
«Mnie zdajecca, kab ja tady napisaŭ «Možna, ja z taboj?», jana nikomu nie była b patrebnaja. Mahčyma, jana b i padabałasia ludziam, ale ciapier sacyjalnyja sietki, tyktoki. Ciapier maštabnaja anłajn-śfiera. Možna manietyzavać. Tady nielha było. Tamu ja liču, što ŭ muzyku pryjšoŭ svoječasova», — havoryć Arsień.
Što datyčyć aktualnych zarobkaŭ, to vykanaŭca, u jakoha 54 miljony prahladaŭ u tyktoku, a videa ŭ jutubie, jakija vykarystoŭvajuć jaho trek, za apošni miesiac nabrali 463 miljony prahladaŭ, adznačaje:
«Kali adkinuć łejbły i prybrać avansy, to heta mohuć być dziasiatki tysiač dołaraŭ. Možna dobra zarablać na stryminhach». Ale, pa jaho słovach, jon i da hetaha zarablaŭ «dziasiatki tysiač dołaraŭ na miesiac» i dadaje: «moj kankretny rekord — $30 tysiač».
Praŭda, Kiślak nie adkazaŭ na pytańnie, jaki biznes prynios jamu takija hrošy.
«Biełaruskamoŭnaha biełarusa da 2020 hoda bačyŭ adzin raz». AP$ENT rezka raskrytykavaŭ «litaraturny hurtok» u tvitary
Raskamnahlad nazvaŭ pryčyny błakiroŭki staronki biełaruskaha artysta Ap$ent na stryminhach
Pieśnia pra vymušanuju mihracyju stała himnam kocikaŭ: zavirusiŭsia trek biełaruskaha śpievaka AP$ENT
«Diadia Saša, biez obid, no vam nikto nie rad». Pahutaryli ź biełaruskim śpievakom AP$ENT, čyje pieśni źbirajuć miljony prasłuchoŭvańniaŭ
Kamientary