Aŭtobus budzie adpraŭlacca try razy na tydzień u zručny ranišni čas i prybyvać u stalicu Łatvii ŭviečary.
Minsktrans zapuścić aŭtobusny rejs pa mižnarodnym maršrucie Minsk — Ryha z 1 maja, pra heta paviedamili ŭ pres-słužbie transpartnaha pradpryjemstva.
U Minsktransie ŭdakładnili, što aŭtobusy buduć adpraŭlacca ad aŭtavakzała «Centralny» a 10:00 pa paniadziełkach, sieradach i piatnicu i prybyvać u stalicu Łatvii ŭ 23:30.
U zvarotnym kirunku aŭtobus vyjedzie ŭ 8:30 (rejsy praduhledžany pa aŭtorkach, čaćviarhach i subotach) i prybudzie ŭ Minsk u 22:00.
Aŭtobus budzie iści praz Brasłaŭ i Daŭhaŭpiłs (Dźvinsk). U šlachu pryjdziecca pravieści 13 hadzin i 30 chvilin.
Košt kvitkoŭ na aŭtobus składaje 180 rubloŭ, jany ŭžo pastupili ŭ prodaž.
Minsktrans ažyćciaŭlaje štodzionnyja rejsy ź Minska ŭ Ryhu, jakija iduć praź Vilniu. Ź biełaruskaj stalicy aŭtobus adpraŭlajecca ŭ 22:00, a z Ryhi ŭ zvarotnym kirunku taksama ŭ 22:00. Daroha zajmaje 9 hadzin, ale košt kvitkoŭ taksama 180 rubloŭ.
Kamientary