Prarasijski aktyvist Ahafonaŭ źbiraje hrošy, kab raspłacicca z advakatam karespandentki ANT
Kaža, što miravoje pahadnieńnie padpisali, ale zapłacić amal 4000 rubloŭ usio ž treba.
Skončyŭsia sudovy praces pamiž prarasijskim aktyvistam Arciomam Ahafonavym i maskoŭskaj karespandentkaj ANT Śviatłanaj Karulskaj. Ahafonaŭ raskazvaje, što vynikam stała bajavaja ničyja, ale ŭ vyniku prosić hrošy ŭ padpisčykaŭ. Jak tak stałasia?
Pieradhistoryja zmahańnia prostaja — Ahafonaŭ napisaŭ na sajcie «Palitnavihatar» artykuł, u jakim nazvaŭ Śviatłanu Karulskuju «sistemnaj nacyjanalistkaj». Jana pakryŭdziłasia i padała ŭ sud.
Spačatku Ahafonaŭ raspušyŭ piory. «Uvohule ja sudoŭ nie bajusia. Ja sudy lublu. Kali atrymlivaju paviestku, pračynajecca prafiesijny azart. Asabliva kali maju racyju», — pisaŭ aktyvist u svaim telehram-kanale.
Paśla pieršaha ž pasiedžańnia abaroty istotna zbavilisia. «U artykule [ja] dapuściŭ iłžyvaje śćviardžeńnie, što jana adčuvaje nianaviść da voinaŭ SVA. Naturalna, heta śćviardžeńnie vyklikała jaje apraŭdany hnieŭ. U realnaści jana była na Danbasie, rabiła adtul kamplimientarnyja ŭ dačynieńni da rasiejskich vojskaŭ materyjały i naohuł zaniesienaja za heta na «Miratvorac». Prynošu prabačeńni», — apraŭdvaŭsia Ahafonaŭ.
I voś adbyłosia finalnaje pasiedžańnie. Praces skončyŭsia miravym pahadnieńniem, ale Ahafonaŭ bolš nie adčuvaje siabie pieramožcam — treba płacić hrošy. Advakat Karulskaj uziaŭ za svaje pasłuhi 3750 rubloŭ, i ciapier hetuju sumu pavinien kampiensavać mienavita Ahafonaŭ. I jašče źvierchu 120 rubloŭ pošliny.
Hrošaj niama, tamu aktyvist prosić dapamohi ŭ čytačoŭ. Cikava, što prosić pieraličvać hrošy na rasijskuju kartku. A kali achviarujuć bolš za patrebnaje, abiacaje pieraličyć na patreby Danbasa.
Ale Ahafonaŭ usio adno nie zdajecca i źbirajecca praciahvać baraćbu: «Zrazumieła, što prymireńnie [z Karulskaj] nie aznačaje prymireńnie z nacyjanalistami niezaležna ad stupieni ich sistemnaści».
«Tak, Ahafonyč, a ŭsio ž pajmieli ciabie. Jak ni kruci», — napisaŭ aktyvistu padpisčyk. «A ty nie kruci», — adkazaŭ Ahafonaŭ. «Nie zasudzili, ale zasadzili. Pa samyja pamidory. U tvajoj asobie prajhraŭ uvieś ruski śviet», — praciahnuŭ toj samy padpisčyk.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»13
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary