Hramadstva44

Maskoŭskaja karespandentka ANT padała ŭ sud na prarasijskaha aktyvista Ahafonava. Jon užo prosić prabačeńnia

Praciahvajucca razborki pamiž prychilnikami Alaksandra Łukašenki roznych hatunkaŭ. Prarasijski aktyvist Arciom Ahafonaŭ u svaim telehram-kanale na 339 padpisčykaŭ raskazaŭ pra sud ź jaho ŭdziełam, jaki praciahvajecca ŭ hetyja dni.

Akazvajecca, na jaho pakryŭdziłasia maskoŭskaja karespandentka ANT Śviatłana Karulskaja. U jaje byli pretenzii da artykuła Ahafonava na sajcie «Palitnavihatar». Tam jon nazvaŭ jaje «sistemnaj nacyjanalistkaj».

Śviatłana Karulskaja, fota Sb.by

Sam artykuł užo vydaleny, a aktyvist užo prynosić prabačeńni: «U artykule [ja] dapuściŭ iłžyvaje śćviardžeńnie, što jana adčuvaje nianaviść da voinaŭ SVA. Naturalna, heta śćviardžeńnie vyklikała jaje apraŭdany hnieŭ. U realnaści jana była na Danbasie, rabiła adtul kamplimientarnyja ŭ dačynieńni da rasiejskich vojskaŭ materyjały i naohuł zaniesienaja za heta na «Miratvorac». Prynošu prabačeńni».

Arciom Ahafonaŭ byŭ aktyvistam Abjadnanaj hramadzianskaj partyi, navat uznačalvaŭ Minskuju abłasnuju arhanizacyju. Pierałom u Ahafonava adbyŭsia paśla padziej u Krymie i na ŭschodzie Ukrainy, kali jon padtrymaŭ rasijskuju ahresiju.

Pa słovach Ahafonava, nastupnaje pasiedžańnie adbudziecca 5 sakavika i moža skončycca miram. Karulskaja pakul vahajecca, ci pahadžacca na mir: «Ja rašeńnie jašče nie pryniała. I, kali jano budzie padpisana, to šerah umoŭ u mianie jašče jość».

U Karulskaj jość svoj telehram-kanał — «Z Maskvy ŭ Minsk ź luboŭju» — ź mizernaj kolkaściu padpisčykaŭ, 236 čałaviek. U žurnalistki ŭmieranyja pazicyi, jak pa ciapierašnich časach — padtrymlivaje Łukašenku i Pucina, ale zaklikaje nie źniščać usio biełaruskaje.

Ahafonaŭ namiakaŭ, što Karulskaja datyčnaja da telehram-kanała ŭmieranych łukašenkaŭcaŭ «Analityčnyja huśli», jaki dniami zakryŭsia, majučy na toj momant kala 300 padpisčykaŭ. Ciapier «Huśli» adnavilisia z padobnaj nazvaj, ale pakul zdabyli tolki 40 čytačoŭ.

Kamientary4

  • Vilenčuk
    22.02.2024
    NN, vy surjozna? Hodzie abmiarkoŭvać niejkich marhinałaŭ. 
  • Nie vajnie
    22.02.2024
    Fanatka rasiejskaja, plaskaješ u dałoni akupantam i zabojcam ukraincaŭ. Pryjdzie čas, nie schavaješsia.
  • maskavitaŭ heť!
    23.02.2024
    Rapucha biłasia z hadziukaj. Treba departavać adnu na maskoviju, druhoha ŭ Kazachstan, niama čaho im rabić u Biełarusi.

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →