Da Pałka Kalinoŭskaha dałučyŭsia były viazień Stanisłaŭ Hančaroŭ «Teror-mašyna»
Fota byłoha bajca bataljona «Azoŭ» Stanisłava Hančarova z pazyŭnym «Teror-mašyna» źjaviłasia ŭ sacsietkach Pałka Kalinoŭskaha. Jon źniaty z kamandziram vajskovaha farmavańnia Dzianisam «Kitom» Procharavym.
«7 hod jon pravioŭ u viaźnicach režymu Łukašenki i narešcie atrymaŭ šaniec na pomstu», — kamientujecca heta fota ŭ telehram-kanale Pałka Kalinoŭskaha.
Tady 20-hadovy žychar Viciebska Stanisłaŭ Hančaroŭ, jaki vajavaŭ va Ukrainie na baku ATA i byŭ viadomy pa mianušcy Teror-mašyna, u sakaviku 2017 hoda byŭ asudžany Viciebskim abłasnym da 7 hadoŭ kałonii ŭzmocnienaha režymu. Razam ź im pa spravie prachodzili jašče siamiora chłopcaŭ va ŭzroście ad 18 da 22 hadoŭ. Ich sud prysudziŭ da roznych terminaŭ — ad 1 hoda abmiežavańnia voli da 6 hadoŭ pazbaŭleńnia voli.
Pavodle viersii siłavikoŭ, pačynajučy z 2012 hoda Hančaroŭ nibyta źjaŭlaŭsia niefarmalnym lidaram kalafutbolnych hrupovak, zaklikaŭ svaich adnadumcaŭ da źniavahi i źbićcia ludziej niesłavianskaj źniešnaści i padavaŭ u hetym prykład. Źbivańniam i ździekam padviarhalisia taksama padletki-biełarusy.
Na volu Stanisłaŭ Hančaroŭ, całkam adbyŭšy termin, vyjšaŭ u siaredzinie 2023 hoda. Paśla taho jaho jašče raz zatrymlivali.
Kamientary