Biełaruska samastojna praciahnuła sabie termin znachodžańnia ŭ IČU amal na tydzień
U dačynieńni da žycharki Bresckaj vobłaści zaviali kryminalnuju spravu za padrobku daviedki ab znachodžańni ŭ izalatary časovaha ŭtrymańnia, paviedamlaje Dziaržaŭny kamitet sudovych ekśpiertyz.
Žančyna praviała ŭ IČU sutki, ale na pracu viarnułasia tolki praz tydzień. Kab apraŭdać svaju adsutnaść na pracoŭnym miescy, jana pryniesła na pradpryjemstva daviedku ab vyzvaleńni. Adnak ličby, prapisanyja ŭ dakumiencie, vyklikali sumnievy ŭ jaho sapraŭdnaści.
Daviedku ŭ vyniku adpravili na ekśpiertyzu, jakaja ŭstanaviła, što ŭ daviedcy ličba 3 vypraŭlenaja na ličbu 9. Takim čynam žančyna, jakaja ŭtrymlivałasia ŭ IČU adnyja sutki, «praciahnuła» svajo znachodžańnie ŭ IČU na šeść dzion.
Ciapier pa hetym fakcie zaviali kryminalnuju spravu.
Kamientary