Hramadstva77

Piśmieńnik Saša Filipienka raspavioŭ pra ciapierašni stan baćki i padrabiaznaści jaho zatrymańnia

«Padtrymlivaje svaich sukamiernikaŭ, zaŭsiody žartuje».

Piśmieńnik Saša Filipienka. Fota: fejsbuk Filipienki

Baćku biełaruskaha piśmieńnika Sašy Filipienki niadaŭna zatrymali siłaviki i na 13 sutak źmiaścili na Akreścina — farmalna za repost z «Lusterka», ale faktyčna za publičnuju dziejnaść syna.

Filipienka raskazaŭ vydańniu Tages-Anzeiger, što ŭ jaho zaraz niama niepasrednaj suviazi z baćkam, ale dniami piśmieńniku patelefanavaŭ adzin ź jahonych sukamiernikaŭ, jaki ŭžo vyzvaliŭsia, i raspavioŭ padrabiaźniej pra jahony ciapierašni stan.

«Adnojčy patelefanavaŭ mužčyna, jaki siadzieŭ z maim baćkam u adnoj kamiery i ciapier užo na voli. Jon skazaŭ, što moj baćka vielmi advažny, što jon padbadziorvaŭ i padtrymlivaŭ svaich sukamiernikaŭ, zaŭsiody žartavaŭ. Mužčyna taksama skazaŭ, što baćka mocna niepakoicca za nas z mamaj, cikavicca, jak našy spravy. Ja vielmi hanarusia im i viedaju, što jon taksama mnoj mocna hanarycca»,

— padzialiŭsia apošniaj infarmacyjaj Saša Filipienka z vydańniem Tages-Anzeiger.

Piśmieńnik taksama raspavioŭ pra toje, jak mienavita prachodziła zatrymańnie baćki. Jon adznačyŭ, što kanfiskavany siłavikami telefon jaho mamy paśla pieratrusu ŭsio jašče bačny ŭ anłajnie.

«Uzbrojenyja ludzi ŭvarvalisia ŭ kvateru da maich baćkoŭ i zahadali im lehčy na ​​padłohu, nadzieli na ich kajdanki. Majmu baćku 62 hady, a maci — 60. Zanadta žorstka, uličvajučy, što maje baćki nijak nie mahli naškodzić vaśmi siłavikam sa zbrojaj. 

Maje baćki nie mahli mnie patelefanavać, bo ŭsie telefony zabrali. Ja padtrymlivaŭ suviaź z mamaj praz susiedziaŭ i maju babulu. Kanfiskavany telefon mamy, darečy, usio jašče možna ŭbačyć u anłajnie», — dadaŭ Filipienka.

Nahadajem, što Saša Filipienka — viadomy biełaruski piśmieńnik, žurnalist i publicyst. Aŭtar knih «Były syn», «Kremulatar», «Čyrvony Kryž», «Viartańnie ŭ astroh», «Ckavańnie». Jahonyja ramany pierakładzienyja na mnohija movy. Filipienka rezka krytykuje ŭłady Biełarusi i Rasii. 

Z 2004 da 2020 hoda žyŭ u Rasii, dzie pracavaŭ u niezaležnych ŚMI. 

Uletku 2023 hoda ŭ Vilni była pastaŭlena jaho pjesa «Cichary» pra padziei ŭ Biełarusi ŭ 2030 hodzie. Pa siužecie nastaŭ apakalipsis, ale navat jon nie spyniŭ palityčnych sudoŭ, jakija pravodziać u bunkiery.

Kamientary7

  • 12345
    22.11.2023
    A čto žie ty Sašieńka sidiš zažavšiś v uhoł???
    Ždieš poka diadia pridiet, otca tvojeho osvobodit, a tiebie ukažiet na tiopleńkoje miestiečko, popisyvať o svoich podvihach.
  • Saša
    22.11.2023
    12345, nie tiebie soviety razdavať, boleznyj.
  • 12345
    22.11.2023
    Saša,Jeśli nie mnie, to poprosi sovieta u svoich riusskich choziajev.
    "S 2004 po 2020 hody žił v Rośsii, hdie rabotał v niezavisimych ŚMI."
    https://d3kcf2pe5t7rrb.cloudfront.net/ru/330697

Zamach na Donalda Trampa: u jaho stralali ŭ čas vystupu ŭ Piensilvanii

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →