Dyrektar pradpryjemstva z Barysava, jon byŭ adnym z deputataŭ taho Viarchoŭnaha Savieta, jaki abviaściŭ u 1991 hodzie niezaležnaść, i prykmietnaj fihuraj administracyi až da 2014 hoda. Zachoŭvajučy viernaść sistemie, jon adnačasova byŭ pierakananym niezaležnikam.
Pra jaho sychod z žyćcia paviedamiła Fiederacyja prafsajuzaŭ Biełarusi.
Leanid Kozik naradziŭsia 13 lipienia 1948 hoda ŭ Barysavie. U 1966-1976 hadach pracavaŭ tokaram, šafioram, inžynieram-technołaham na Barysaŭskim zavodzie aŭtatraktarnaha elektraabstalavańnia.
U 1977 hodzie skončyŭ BDU i ŭ 1985 hodzie — Biełaruski dziaržaŭny instytut narodnaj haspadarki. Pa adukacyi — juryst, ekanamist.
U 1976-1977 hadach — pamočnik prakurora Barysava. U 1977-1985 hadach — staršynia prafsajuznaha kamiteta Barysaŭskaha zavoda aŭtatraktarnaha elektraabstalavańnia. U 1985-1990 hadach —dyrektar Barysaŭskaj šviejnaj fabryki.
U 1990-1995 hadach byŭ staršynioj kamisii pa ekanamičnaj reformie, dasiahnieńni ekanamičnaj samastojnaści i suvierenitetu Viarchoŭnaha Savieta Respubliki Biełaruś XII sklikańnia.
Z 1998 hoda zajmaŭ pasadu namieśnika premjer-ministra. Sa žniŭnia 2000 hoda — pradstaŭnik Respubliki Biełaruś pry Saviecie Ministraŭ Sajuznaj dziaržavy. Ź vieraśnia 2001 hoda — namieśnik kiraŭnika Administracyi Łukašenki.
Z 2002 pa 2014 hod byŭ staršynioj Fiederacyi prafsajuzaŭ Biełarusi.
Z 2004 pa 2008 hod źjaŭlaŭsia deputatam Pałaty pradstaŭnikoŭ Nacyjanalnaha schodu Respubliki Biełaruś III sklikańnia pa Barysaŭskaj sielskaj akruzie.
Zasłužany rabotnik pramysłovaści Respubliki Biełaruś. Doktar ekanamičnych navuk (1999), prafiesar. Akademik Mižnarodnaj akademii infarmatyzacyi. Aŭtar bolš za 70 rabot u pytańniach ekanomiki i prava.
Aleksijevič ŭ TOKu: Kali vy admoviciesia čytać Čechava i Dastajeŭskaha, to ŭpadziecie ŭ pravincyjnaść68
Kamientary
Źmianiŭšy Kozika stvaralnik brsma idejołah Arda - biassprečny vykanaŭca, na maralnyja abmiežavańni nie chvareje i tamu enierhična skinuŭ maski i pieratvaryŭ dziaržaŭnyja prafsajuzy ŭ častku represiŭnaj mašyny, jakaja całkam admovilisia baranić pravy represavanych pa śpisach KDB pracoŭnych i faktyčna padtrymała ŭviadzieńnie masavaj praktyki zabarony na prafiesiju dla palityčna niazhodnych.