Były aficer śpiecpadraździaleńnia «Ałmaz» u prahramie «Ščyra kažučy» na «Biełsacie» ciaham dźviuch hadzin adkazvaŭ na pytańni na detektary chłuśni. U vyniku palihrafołah nie zdoleŭ vyśvietlić, dzie Ihar Makar kazaŭ praŭdu, a dzie maniŭ.
Jak adznačyła viadoŭca prahramy Aryna Malinoŭskaja, heta było samaje doŭhaje testavańnie.
Ihar Makar adznačyŭ, što zaŭsiody havoryć praŭdu i vystupaje za toje, kab čałaviek adkazvaŭ svaje ŭčynki niezaležna ad taho, apazicyjanier jon ci łukašyst.
«Chiba što mianie tak vychoŭvali, i ja ciarplu z-za praŭdy», — zaŭvažyŭ Makar i adznačyŭ, što ŭ svaim žyćci tolki dva razy prachodziŭ palihraf.
Pa słovach byłoha siłavika, pieršy raz heta adbyłosia ŭ 2021 hodzie va Ukrainie, kali jon lotaŭ tudy pa spravie ab hibieli Paŭła Šaramieta. Makar śćviardžaje, što toj raz jon prajšoŭ pravierku na palihrafie.
Na prahramu «Ščyra kažučy» były aficer «Ałmaza» patrapiŭ pa ŭłasnym žadańni.
Na pytańnie, čamu jon heta prapanavaŭ, Makar adkazaŭ, što jamu niama čaho ŭtojvać.
«Ja, być moža, dziakuju Bohu, što vy mianie siudy zaprasili, bo ja dakažu, choć i niama sensu, što ja ni ŭ čym nie zamiašany».
Pa słovach byłoha siłavika, paśla prachodžańnia palihrafa ŭ studyi prahramy jon adčuvaje siabie, jak vycisnuty limon.
«Ja b lepš try kiłamietry prabieh i byŭ by ŭ lepšym stanie, čym ciapier».
Jak adznačaje Ihar Makar, padčas praviadzieńnia testa jon razumieŭ, što jak by jon ni adkazvaŭ na pytańni, što b ni havaryŭ — praŭdu ci nie, usio roŭna budzie kuča brudu.
Makar admoŭna adkazaŭ na pytańni viadučaj ab tym, ci prymaŭ zaspakajalnyja srodki i ci viedaje jon, jak padmanuć palihraf.
Viadučaja adznačyła, što byłomu aficeru «Ałmaza» padčas praviadzieńnia testa było zadadziena kala 30 pytańniaŭ, ale jana nie bačyć sensu ich ahučvać, bo, pa jaje słovach, hieroj pieradačy nie prajšoŭ palihraf.
Jana patłumačyła, što reakcyja Makara była adnolkavaj jak na chłuśniu, tak i na praŭdu. Tamu nie atrymałasia daviedacca, dzie jon schłusiŭ, a dzie skazaŭ praŭdu. Pa słovach Aryny Malinoŭskaj, taki vypadak pieršy za ŭsiu historyju prahramy.
Jak adznačyŭ palihrafołah Vital Saviuk, u hetym vypadku mieła miesca supraćdziejańnie praviercy.
«Heta mahło być źviazana z roznymi pryčynami. Naprykład, z užyvańniem peŭnych miedycynskich preparataŭ. Taksama takaja situacyja mahčymaja ŭ vypadku mocnaj stomlenaści ci chvaroby».
Śpiecyjalist zaŭvažyŭ, što ŭzrovień uzbudžeńnia niervovaj sistemy ŭ Ihara Makara padčas praviadzieńnia daśledavańnia byŭ vyšejšy za normu.
«Adrazu niekalki faktaraŭ pakazvała na toje, što ŭ hetym vypadku idzie supraćdziejańnie praviercy. Byli zafiksavany adnolkavyja reakcyi na pytańni, jakija supiarečać pa sensie adno adnamu. Kali Ihar Makar chłusiŭ na vidavočnyja pytańni ci havaryŭ praŭdu, reakcyi byli adnolkavyja».
Naprykład, Makaru było prapanavana padmanuć palihraf. Dla hetaha jamu treba było admoŭna adkazać na pytańnie, ci jaho imia Ihar.
Vital Saviuk zaŭvažyŭ, što takija situacyi zdaralisia ŭ jaho praktycy, i jon ličyć, što heta vyklikana ci ŭžyvańniem niejkich preparataŭ, ci drennym samaadčuvańniem čałavieka.
«Ale ŭ hetym vypadku dakładna vyznačyć, što stała pryčynaj takich reakcyj u Ihara Makara, my nie možam».
Sam Makar zaŭvažyŭ, što heta mahło adbycca z-za taho, što jon stamiŭsia ad palityki.
Na zaŭvahu viadučaj ab tym, što jon, mahčyma, viedaje, jak padmanuć palihraf, Ihar Makar adkazaŭ:
«Ja adkazvaŭ na ŭsie pytańni sumlenna i ščyra. I miarkujučy pa ŭsim, paśla voś hetaj studyi ja budu ŭžo nienavidzieć apazicyjny ruch».
Čytajcie jašče:
Chto taki Ihar Makar — džokier albo pravakatar?
«Makar dziejničaje jak pravakatar». Bajpołaviec Azaraŭ praanalizavaŭ skandalnyja aŭdyjazapisy
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13
Kamientary
Mnie było vidavočna, jak šukać, ja ahučyŭ hety sposab:
-Treba kožnaha spytacca, ci jon zabivaŭ ci nie.
...
Historyja s palihrafam jak navukovym(!) kryteram niezaplamlenaści kalabaracyjaj z beseseram (a i čaho zaŭhodna kryteram, choć što za žončynymi plačyma nia vyžłaktaŭ naliŭku z baru, choć što mužavyja hrošy patraciła na ježu, a nie na parfiumy) viartaje mianie ŭ bieskłapotnaje dziacinstva