Łaŭroŭ: Zachad choča pasvaryć Biełaruś i Rasiju. Nam patrebnaja manahrafija Sajuznaj dziaržavy
Kiraŭnik MZS Rasii zajaviŭ, što Zachad maje namier pasvaryć Rasiju i Biełaruś, kab nie dapuścić umacavańnia Sajuznaj dziaržavy. Pra heta pisałasia ŭ zvarocie Łaŭrova da ŭdzielnikaŭ rasijska-biełaruskaha forumu historykaŭ.
Tekst začytała dyrektarka historyka-dakumientalnaha departamienta MZS RF Nadzieja Barynava, paviedamlaje TASS.
«Kalektyŭny Zachad nie pakidaje sprobaŭ cyničnych falsifikacyj historyi, pierapisvajucca padručniki, skažajucca i pierakručvajucca fakty, znosiacca pomniki. Meta vidavočnaja — pasiejać mižnacyjanalnuju i mižkanfiesijnuju varožaść, raspalić moŭny šavinizm, pasvaryć našy brackija narody ŭ raźliku nie dapuścić dalejšaha ŭmacavańnia Sajuznaj dziaržavy», — havaryłasia ŭ tekście pryvitańnia.
Choć papraŭdzie falsifikacyjaj historyi i pierapisvańniem padručnikaŭ ciapier zajmajucca biełaruskija i rasijskija ŭłady.
Na dumku Łaŭrova, kab supraćstajać hetamu, «možna było b padumać nad padrychtoŭkaj ahulnymi namahańniami manahrafii, pryśviečanaj historyi Sajuznaj dziaržavy, tym bolš što dośvied takoj pracy ŭžo nazapašany».
Ličby, ad jakich strašna. Bolš za 280 tysiač biełarusaŭ atrymali dazvoły na žyćcio ŭ ES u 2023. Bolš tolki va ŭkraincaŭ32
Kamientary