U Vilni ŭšanavali pamiać Ramana Bandarenki, zabitaha na Płoščy Pieramien
U Vilni na płoščy Kudzirki prajšła akcyja pamiaci, pryśviečanaja Ramanu Bandarenku i ŭsim zakatavanym režymam Łukašenki.
Da akcyi dałučyłasia taksama Śviatłana Cichanoŭskaja. Jana vystupiła z pramovaj, padčas jakoj nahadała pra achviaraŭ režymu i padziakavała ŭsim biełarusam, jakija praciahvajuć zmahacca.
«Ja vychodžu», — takimi byli apošnija słovy Ramana Bandarenki. Jon vyjšaŭ, kab abaranić našy simvały. Kab spynić hvałt dyktatury. Kab my z vami mahli žyć u svabodnaj krainie.
Ramanu byŭ tolki 31 hod. Jon achviaravaŭ svajo maładoje žyćcio dla nas z vami. Jon staŭ biełaruskim hierojem — jak i mnohija inšyja biełarusy. Ich achviary byli nie daremnyja.
Pakul hvałt dyktatury nie spynieny, my z vami budziem praciahvać vychodzić!» — pryvodzić słovy Cichanoŭskaj jaje pres-słužba.
Raman Bandarenka zahinuŭ 12 listapada 2020 hoda. Jaho źbili i zatrymali na Płoščy Pieramien u Minsku, a paśla zabrali ŭ busiku ŭ RUUS Centralnaha rajona. Adtul mužčyna trapiŭ u špital z aciokam hałaŭnoha mozhu i šmatlikimi traŭmami.
Ułady chacieli pierakanać, što jon byŭ pjany, ale daktary ŭ jaho kryvi nie vyjavili ałkaholu.
Dziakujučy źlitym zapisam razmoŭ i bilinhu telefonaŭ, stała viadoma, što siarod prysutnych na Płoščy Pieramien u toj viečar byli pres-sakratarka Łukašenki Natalla Ejsmant, eks-kiraŭnik biełaruskaj Fiederacyi chakieja, a ciapier sienatar Dźmitryj Baskaŭ, kikbaksior, jaki treniravaŭ SACHR, Dźmitryj Šakuta.
Kamientary
Vaładarstva Niabiesnaha daj im , Ojča-Tvorca, u imia Hospada našaha Isusa Chrysta.