Jak stała viadoma «Našaj Nivie», mieniedžara kultury Siarhieja Makareviča vypuścili paśla piaci miesiacaŭ za kratami. Infarmacyi pra jaho spravu amal niama.
Siarhieja Makareviča zatrymali 4 listapada paśla pieratrusu ŭ jaho doma. Mierkavałasia, što jon prachodzić pa spravie «Majontka Padarosk». Jak i fond «Viartańnie», u jakim pracavaŭ Siarhiej, «Majontak Padarosk», inicyjatyva pa adnaŭleńni staroj siadziby pad Vaŭkavyskam, finansavalisia biznesoŭcam i miecenatam biełaruskaha pachodžańnia Paŭłam Padkarytavym.
Fond «Viartańnie» padtrymlivaŭ šmatlikija prajekty biełaruskaj kultury. Jon byŭ likvidavany ŭ kancy kastryčnika rašeńniem Minskaha haradskoha suda, u šerahu inšych niezaležnych hramadskich i kulturnych arhanizacyj.
Pravaabaroncy pryznali Siarhieja Makareviča palitviaźniem.
Uvieś hety čas Siarhiej znachodziŭsia ŭ hrodzienskaj turmie №1. Za jaho vyzvaleńnie aktyŭna zmahałasia siamja.
Miž siabroŭ Makareviča chodzić infarmacyja, što vyzvaleńnie pad paručalnictva jamu prapanavaŭ śledčy na minułym tydni. I voś, paručalnikaŭ udałosia znajści.
«Naša Niva» pakul nie maje paćviardžeńnia hetaj infarmacyi ź inšych krynic i nie viedaje, chto staŭ paručalnikam.
Infarmacyi pra spravu Makareviča, jak i pra bolšaść palityčnych spraŭ, praktyčna niama ŭ vyniku taho, što łukašysty ciapier interpretujuć padpisku pra nierazhałošvańnie, jakuju biaruć jak ź fihurantaŭ spraŭ, tak i z advakataŭ, niezakonna šyroka. U vyniku ŭsio, što viadoma hramadstvu, — što sprava isnuje.
Kali vam viadomyja padrabiaznaści, paviedamlajcie asabista tym aŭtaram «Našaj Nivy», jakich viedajecie, abo ŭ telehram-akaŭnt «Našaj Nivy» ŭ sakretny čat: @nn_editor.
Kamu zručniej na mejł — pišycie redaktaru na mejły [email protected] ci [email protected].
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu9
Kamientary