Ministerstva pryrodnych resursaŭ KNR aficyjna zahadała znoŭ vykarystoŭvać tradycyjnyja kitajskija nazvy vaśmi haradoŭ i terytoryj, jakija ŭ XIX stahodździ adyšli Rasii, i da hetaha času praciahvajuć znachodzicca ŭ jaje składzie.
Pra heta 25 lutaha paviedamiła vydańnie Asia Times sa spasyłkaj na aficyjnuju dyrektyvu Ministerstva pryrodnych resursaŭ Kitaja, jakoje taksama vypuściła abnoŭlenuju kartu śvietu ź viernutymi starymi nazvami svaich stračanych nasielenych punktaŭ.
Ciapier, zhodna z dadzienaj novaj dyrektyvaj, niekatoryja rasiejskija terytoryi na abnoŭlenaj kitajskaj karcie śvietu buduć vyhladać tak:
- Uładzivastok — Chajšenvaj (što z kitajskaj aznačaje «buchta trepanha»).
- Błahovieŝiensk — Chajłanpao.
- Usuryjsk — Šuančenczy.
- Chabaraŭsk — Boli.
- Mikałajeŭsk-na-Amury — Miaacze.
- Nierčynsk — Nibučchu.
- vostraŭ Sachalin — Kuedao.
- Stanavy chrybiet (horny łancuh u paŭdniovaj častcy Dalokaha Uschodu Rasii) — Vaj Sińań.
«Dziaržaŭnyja miežy KNR pravodziacca ŭ adpaviednaści sa standartnym uzoram karty, zaćvierdžanaj i apublikavanaj Dziaržaŭnaj radaj Kitaja. A histaryčnyja miežy KNR pravodziacca ŭ adpaviednaści z faktyčnymi miežami na padstavie histaryčnych materyjałaŭ», — napisana ŭ aficijnaj dyrektyvie.
Jašče dva stahodździ tamu Kitaj (tahačasnaja Impieryja Cyn) padčas Opiumnych vojnaŭ straciŭ častku svaich paŭnočnych terytoryj na karyść Rasii. Sasłableny interviencyjami i hramadzianskaj vajnoj Cynski ŭrad tady pad prymusam padpisaŭ z Rasijaj Ajhunski i Piekinski dahavory.
Usiaho Impieryja Cyn tady straciła 1,7 miljona kvadratnych kiłamietraŭ terytoryj, uklučajučy častku taho, što ciapier nazyvajecca Dalokaŭschodnim rehijonam RF. U dadzieny momant tam pražyvajuć ad 300 da 500 tysiač etničnych kitajcaŭ.
«Paŭtornaje vykarystańnie kitajskich nazvaŭ dalokaŭschodnich haradoŭ nahadvaje kitajcam ab ich žadańni viarnuć stračanyja terytoryi», — adznačaje vydańnie Asia Times.
Čytajcie jašče:
ISW: Vizit Łukašenki ŭ Kitaj moža być źviazany z padrychtoŭkaj da abychodu zachodnich sankcyj za pastaŭki zbroi Rasii
Pakul Rasija zachoplivaje ziemli, handal pamiž Kitajem i ZŠA bje ŭsie rekordy
«Niebiaśpiečny». Jeŭrakamisija zabaraniła svaim supracoŭnikam karystacca TikTok na ŭsich pryładach
Były viadučy «Zony Ch» Łukša: Z telefona supracoŭnika BT Markavu adpravili sms «idzi nach**» — a paviesili na mianie4
Kamientary
... a tam i da Karaleŭca-Kionihśbierha niedaloka. I da Vippuri. I Šikatana.
Jak tam hety kazaŭ—Miežy rasii nidzie nie skančaviucca? Kaniešnie. I nie skončacca. Až da maskoŭskaj vobłaści.
Nie treba było hetuju skryniu Pandory adkryvać,bo choć by fiziku za šosty kłas uspomniŭ. Hałoŭnaje,vova,nie spyniajsia,u ciabie vydatna atrymlivajecca,hut-hut valdemar!