Zialenski źviarnuŭsia da rasijan paśla rakietnaha ŭdaru pa domie ŭ Dniapry
Prezident Ukrainy Uładzimir Zialenski ŭ viačernim videazvarocie źviarnuŭsia da rasijskich hramadzian na rasijskaj movie paśla rakietnaha ŭdaru pa žyłym šmatpaviarchovym domie ŭ Dniapry.
«Chaču skazać usim tym u Rasii i z Rasii, chto navat ciapier nie zmoh pramović navat niekalki słoŭ asudžeńnia hetaha teroru, choć vydatna ŭsie bačać i viedajuć. Vaša bajaźlivaje maŭčańnie, sproba pieračakać toje, što adbyvajecca, skončycca tolki tym, što adnojčy hetyja ž terarysty pryjduć i pa vas. Zło vielmi adčuvalnaje da bajaźlivaści, zło zaŭsiody zapaminaje tych, chto jaho baicca i sprabuje starhavacca. I kali jano pryjdzie pa vas, nie budzie kamu vas abaraniać», — skazaŭ Zialenski.
Dniom 14 studzienia padčas čarhovaha masiravanaha abstrełu Rasijaj Ukrainy adna z rakiet trapiła ŭ dzieviacipaviarchovy žyły dom u Dniapry, całkam abrynuŭšy adzin ź jaho padjezdaŭ. Pavodle apošnich źviestak, 30 čałaviek zahinuli. Razbor zavałaŭ i pošuki tych, chto vyžyŭ, praciahvajucca, jość aściarohi, što kolkaść achviar moža jašče ŭzraści.
«Dziasiatki ludziej udałosia vyratavać z-pad zavałaŭ, siarod ich —šaściora dziaciej. My zmahajemsia za kožnaha čałavieka! I vyratavalnaja apieracyja budzie praciahvacca stolki, kolki budzie choć najmienšy šaniec vyratavać žyćcio», — dadaŭ ukrainski prezident.
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary