U Minsku pradajuć trochpakajovuju stalinku ź vidam na płošču Pieramohi
I kolki ž heta kaštuje?
U centry Minska vystaŭlena na prodaž trochpakajoŭka na płoščy Pieramohi.
Kvatera mieścicca na apošnim piatym paviersie doma 1956 hoda pabudovy pa adrasie pr. Niezaležnaści, 35. Ahulnaja płošča kvatery 75,7 m², žyłaja — 49 m².
Usie try pakoi nie prachadnyja. Haścioŭnia maje płošču amal 20 «kvadrataŭ». Vyšynia stolaŭ — try mietry.
Spalnyja pakoi pa 14,5 — 14,7 m². Jeść nievialikaja kładoŭka, jakuju pry žadańni možna prybrać i tym samym pavialičyć adnu sa spalniaŭ.
Vokny ŭ troch z čatyroch pamiaškańniaŭ vychodziać u dvor, jak i adziny nievialički bałkon. Vid na płošču Pieramohi adkryvajecca tolki z akna adnoj sa spalniaŭ.
Kvatera ŭkamplektavanaja meblaj i technikaj, hatovaja da pražyvańnia. Poŭnaściu zamieniena elektryka i santechnika (truby), havorycca ŭ apisańni.
Sanvuzieł asobny, u vannym pakoi — tolki dušavaja kabina, samoj vanny niama.
Prosiać za takuju kvateru 159 900 dalaraŭ, što bolš čym pa 2100 dalaraŭ za kvadrat.
Kamientary