Zdareńnie adbyłosia ŭ rajcentry na vulicy Žołudzieva.
11 studzienia ŭ 8:57 vaŭkavyskija vyratavalniki atrymali paviedamleńnie pra toje, što pa vulicy Žołudzieva ŭ rajcentry zahareŭsia školny aŭtobus. Padraździaleńni MNS nakiravalisia da miesca zdareńnia.
U sałonie transpartnaha srodku było troje dziaciej i darosły. Kiroŭca, ubačyŭšy zaharańnie ŭ matornym adsieku, spyniŭsia, vysadziŭ pasažyraŭ i pačaŭ samastojna źbivać połymia vohnietušycielem. Tym časam piedahoh paviedamiła pra zdareńnie ŭ słužbu «101».
Bajcy MNS prybyli da miesca i likvidavali ŭzharańnie. Ahoń paškodziŭ prybornuju panel, elektrapravodku i ŭnutranuju abšyŭku aŭtobusa. Ludzi nie paciarpieli.
Pryčyna zdareńnia vyśviatlajecca. Vierahodniej za ŭsio, da ŭzharańnia pryviało karotkaje zamykańnie elektrapravodki.
Kamientary